На свабоду выйшлі чальцы КР Вольга Шпарага і Юлія Міцкевіч. У камеры яны чыталі лекцыі і праводзілі семінары
На свабоду пасля адміністрацыйнага арышту выйшлі сябры Каардынацыйнай рады філосаф Вольга Шпарага і грамадская актывістка Юлія Міцкевіч.
Жанчыны ўваходзяць у фем-групу Каардынацыйнай рады. Пра вызваленне паведаміла ў фэйсбуку паведаміла Таццяна Караткевіч.
У адной камеры з імі была капітан зборнай па рэгбі Марыя Шакура. У інтэрв'ю Tribuna.com яна падзялілася ўспамінамі:
«У аўторак [13 кастрычніка] мяне, Юлію Міцкевіч і яшчэ адну дзяўчыну перавялі з Акрэсціна ў Жодзіна. Першапачаткова нас змясцілі ў камеру на чатыры чалавекі, у сераду да нас перавялі Святлану Гатальскую [фем-актывістка і сябра Каардынацыйнай рады]. Праз два дні нас перавялі ў большую камеру, дзе мы сустрэлі Вольгу Шпарагу.
Звычайна з раніцы я праводзіла зарадку. Потым, незадоўга да абеду, у нас была лекцыя па філасофіі ад Вольгі Шпарагі. Пасля абеду мы ладзілі розныя абмеркаванні, семінары, бліжэй да адбою спявалі песні. Гэта значыць, кампанія была добрая», — расказала Марыя Шакура.
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй43
Каментары