Як навучыцца граць на музычным інструменце без настаўніка?
З’яўленне «разумных» музычных інструментаў ператварае працэс асваення мелодый у інтэрактыўную гульню.
«Разумныя» музычныя інструменты, такія як Lumi і Jamstik, з’явіліся ў продажы летась. Яны прапаноўваюць карыстальнікам навучанне з дапамогай мабільных дадаткаў. Увесь працэс адбываецца ў фармаце відэагульні з падлікам ачкоў. Асваенне музычнага інструмента становіцца цікавым як дзецям, так і дарослым.
Разумнае піяніна Lumi мае ўсяго 24 клавішы, у той час як у сапраўднага інструмента — 88. Аднак гэтага дастаткова, каб навучыцца асновам, піша The Wall Street Journal.
Каб пачаць практыкавацца, варта спампаваць мабільны дадатак Lumi. Там ёсць праграма для пачаткоўцаў, якая складаецца з 72 інтэрактыўных урокаў.
Калі ўрокі і песні прайграюцца ў дадатку, на экране з’яўляюцца каляровыя клавішы, якія адпавядаюць клавішам на інструменце. Клавішы на піяніна пачынаюць падсвечвацца тымі ж колерамі, каб падказаць карыстальніку, куды трэба ціснуць. Lumi пасля ацэньвае дакладнасць вашай ігры і ўзнагароджвае карыстальніка баламі.
Гітарны трэнажор Jamstik мае толькі сем ладоў. Чуйнікі на яго грыфе выяўляюць размяшчэнне пальцаў карыстальніка. Таму, калі дадатак паказвае акорды, трэнажор вызначае, ці правільна вы заціскаеце струны. Так паступова можна асвоіць базавыя акорды, атрымліваць за гэта ачкі і пераходзіць на новы ўзровень.
А калі гітарны трэнажор асвоены, то варта паспрабаваць свае сілы на сапраўднай гітары з узмацняльнікам Spark practice ад кампаніі Positive Grid. Гэты ўзмацняльнік прапаноўвае дзясяткі віртуальных эфектаў і акампанементаў на базе штучнага інтэлекту. З дапамогай дадатку можна стварыць нават віртуальны музычны гурт, які будзе граць разам з вамі.
-
Назад да ручкі і забарона на смартфоны: універсітэты вымушаныя змяняць фармат заняткаў і кантрольных, інакш ШІ не дае ні вучыць, ні праверыць
-
Google запусціла Gemini 3.5 Transcribe для расшыфроўкі мовы. У спісе ёсць і беларуская
-
Цім Кук развітаўся з пасадай генеральнага дырэктара Apple пасля 15 гадоў кіраўніцтва
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары