Jak navučycca hrać na muzyčnym instrumiencie biez nastaŭnika?
Źjaŭleńnie «razumnych» muzyčnych instrumientaŭ pieratvaraje praces asvajeńnia miełodyj u interaktyŭnuju hulniu.
«Razumnyja» muzyčnyja instrumienty, takija jak Lumi i Jamstik, źjavilisia ŭ prodažy letaś. Jany prapanoŭvajuć karystalnikam navučańnie z dapamohaj mabilnych dadatkaŭ. Uvieś praces adbyvajecca ŭ farmacie videahulni z padlikam ačkoŭ. Asvajeńnie muzyčnaha instrumienta stanovicca cikavym jak dzieciam, tak i darosłym.
Razumnaje pijanina Lumi maje ŭsiaho 24 kłavišy, u toj čas jak u sapraŭdnaha instrumienta — 88. Adnak hetaha dastatkova, kab navučycca asnovam, piša The Wall Street Journal.
Kab pačać praktykavacca, varta spampavać mabilny dadatak Lumi. Tam jość prahrama dla pačatkoŭcaŭ, jakaja składajecca z 72 interaktyŭnych urokaŭ.
Kali ŭroki i pieśni prajhrajucca ŭ dadatku, na ekranie źjaŭlajucca kalarovyja kłavišy, jakija adpaviadajuć kłavišam na instrumiencie. Kłavišy na pijanina pačynajuć padśviečvacca tymi ž kolerami, kab padkazać karystalniku, kudy treba cisnuć. Lumi paśla aceńvaje dakładnaść vašaj ihry i ŭznaharodžvaje karystalnika bałami.
Hitarny trenažor Jamstik maje tolki siem ładoŭ. Čujniki na jaho hryfie vyjaŭlajuć raźmiaščeńnie palcaŭ karystalnika. Tamu, kali dadatak pakazvaje akordy, trenažor vyznačaje, ci pravilna vy zaciskajecie struny. Tak pastupova možna asvoić bazavyja akordy, atrymlivać za heta ački i pierachodzić na novy ŭzrovień.
A kali hitarny trenažor asvojeny, to varta pasprabavać svaje siły na sapraŭdnaj hitary z uzmacnialnikam Spark practice ad kampanii Positive Grid. Hety ŭzmacnialnik prapanoŭvaje dziasiatki virtualnych efiektaŭ i akampaniemientaŭ na bazie štučnaha intelektu. Z dapamohaj dadatku možna stvaryć navat virtualny muzyčny hurt, jaki budzie hrać razam z vami.
-
Inžynier z Anthropic zvolniŭsia, kab papiaredzić, što ŠI voś-voś moža vyjści z-pad kantrolu
-
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf
-
U Rasii dla Android zrabili niezvyčajnuju kłavijaturu— jana adrazu pakazvaje termin za kamientar, što vy napisali
Pasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary