Знішчэнне Тут.бая — гэта наймагутнейшы ўдар па эканоміцы.
У цяперашнім інфармацыйным грамадстве любое пагаршэнне якасці даступнай інфармацыі прыводзіць да веернага эфекту. Бізнэсу трэба аб’ектыўная інфармацыя. На еўрапейскім кантыненце грошы не ідуць туды, дзе няма якасных СМІ. У нас на вачах з краіны будуць сплываць усё новыя кіты бізнэсу.
Па-другое, разгром Тут.бая прывядзе да паскарэння адтоку ІТ-сектара з Беларусі. Атрымліваецца, што ўключэнне любой кампаніі ў ПВТ можна прызнаць незаконным, а віну ўскласці не на тых, хто ўключаў, а на кампаніі ПВТ? Абсурд — але так інтэрпрэтуе сённяшнія падзеі ІТ-бізнэс.
Па-трэцяе, разгром Тут.бая павялічвае імавернасць увядзення новых санкцый ЕС супраць лукашэнкаўцаў — прычым яны ўпершыню могуць стацца не сімвалічнымі, а рэальнымі.
Блакаванне Тут.бая таксама падводзіць рысу пад ранейшым этапам існавання СМІ ў Беларусі. Разгром флагмана медый адкідвае нацыянальныя СМІ на дзесяцігоддзі і зробіць дзяржаву яшчэ больш інфармацыйна залежнай ад Расіі. Спатрэбіцца мабілізацыя грамадства на падтрымку тых беларускіх СМІ, якія застаюцца — унутры краіны і за яе межамі.
Людскія пакуты, боль, траўмы ў выніку рэпрэсій неацэнныя, але трэба памятаць, што любыя масавыя рэпрэсіі б’юць па сістэме мацней, чым па ахвярах.
Цяпер чытаюць
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары