У Віцебску выставілі на таргі адміністрацыйны корпус чыгуначнага вакзала. Аб’ект прадаецца на пляцоўцы «БУТБ-Маёмасць», а яго пачатковы кошт складае каля 8,2 мільёна рублёў, піша Office Life.
Гаворка ідзе пра трохпавярховы цагляны будынак, узведзены ў 1960 годзе. Яго агульная плошча — каля 2,7 тысячы квадратных метраў. Памяшканне цалкам забяспечана інжынернымі камунікацыямі: ёсць электрычнасць, ацяпленне, водазабеспячэнне, тэлефонная сувязь і вентыляцыя.
Акрамя самога будынка, пакупніку прапануюць у арэнду зямельны ўчастак плошчай 0,2706 гектара. Пры гэтым арэнда будзе аформленая без аўкцыёну і без платы за права карыстання зямлёй, а тэрмін вызначаць ужо пры падпісанні дамовы. Мэтавае прызначэнне ўчастка — будаўніцтва і абслугоўванне адміністрацыйных будынкаў і збудаванняў.
Дарэчы, у лістападзе мінулага года гэты ж аб’ект ужо выстаўлялі на продаж на іншай аўкцыённай пляцоўцы — GosTorg. Праўда, тады кошт не называлі, бо арганізатары хацелі толькі ацаніць зацікаўленасць патэнцыйных пакупнікоў.
Цяпер чытаюць
35‑гадовы дальнабойшчык з Беларусі раптоўна памёр у Кітаі. Гэта муж самай тытулаванай беларускай дзюдаісткі11
Каментары