Бізнэсмена з топ-200 самых уплывовых у краіне асудзілі на 2,5 года хатняй хіміі і забаранілі 5 гадоў займацца прадпрымальніцтвам
Інвестара Валерыя Астрынскага, які ўваходзіць у топ-200 паспяховых і ўплывовых бізнэсменаў, асудзілі на 2,5 года «хатняй хіміі» за «падатковае махлярства» і забаранілі на 5 гадоў займацца прадпрымальніцкай дзейнасцю.
«Нельга займацца прадпрымальніцтвам і плаціць падаткі, але можна ж займацца грамадска-сацыяльнымі праектамі, напрыклад, стварыць партыю крымінальнікаў, і думаю, што ў яе ёсць шанец стаць самай шматлікай у нашай дзіўнай краіне», — каментуе прысуд Астрынскі.
Валерый Астрынскі — інвестар, бізнэс-анёл, сузаснавальнік аб'яднання Angels BAND, уваходзіць у топ-200 паспяховых і ўплывовых бізнэсменаў Беларусі, паводле выдання «Ежедневник».
16 студзеня Валерыя Астрынскага затрымалі ў вёсцы Барова ў Іўеўскім раёне. Падставай для гэтага стаў вывешаны бел-чырвона-белы сцяг з «Пагоняй» на хутары.
Цяпер чытаюць
Сцвярджаецца, што кіраўнік Butikavto Іван Лябейка ўжо на свабодзе1
Каментары