Лукашэнка на анлайн-сустрэчы з Пуціным павіншаваў крымчан з расійскім святам. А таксама зноў папрасіўся ў Крым
Аляксандр Лукашэнка сёння на анлайн-пасяджэнні Вышэйшага дзяржаўнага савета Саюзнай дзяржавы павіншаваў жыхароў Крыма з расійскім святам.
Лукашэнка павіншаваў расійскі бок і ўсіх расіян з Днём народнага адзінства.
Пуцін адзначаць гэтае свята прыляцеў у акупаваны Севастопаль. Лукашэнка папрасіў Пуціна перадаць крымчанам самыя цёплыя віншаванні ад беларусаў і пажаданні моцнага здароўя і мужнасці ў гэты няпросты час.
«Яны павінны разумець, што яны не адны. Усе мы побач і будзем трымацца адно за аднаго і дапамагаць у гэтыя няпростыя часы», — заявіў беларускі палітык.
Таксама Лукашэнка выказаў шкадаванне, што не змог трапіць у Крым, хоць і вельмі гэтага хацеў.
«Уладзімір Уладзіміравіч мне ўсё абяцаў-абяцаў, што з сабой возьме ў Крым, пакажа навінкі, што там новага зроблена. А зроблена нямала. Па дарозе павязе ў Крым. Але вось сёння адзін з'ехаў і мяне з сабой не запрасіў», — сказаў Лукашэнка.
Нагадаем, Крым і Севастопаль былі акупаваныя Расіяй у 2014 годзе. Практычна ўсе краіны свету не прызналі законнасці акупацыі. Доўгі час ад прызнання Крыма расійскім ухіляўся і Лукашэнка.
Цяпер чытаюць
Былога супрацоўніка контрразведкі КДБ арыштавалі за здраду дзяржаве9
Каментары