Генштаб УСУ расказаў, чым атакаваў Маскоўскую вобласць. Гэта дроны ўкраінскай распрацоўкі
Генштаб УСУ паведаміў, што ў ноч на 17 мая ўкраінскія дроны атакавалі ў Маскоўскай вобласці прадпрыемства па вытворчасці мікрасхем для высокадакладнай зброі і нафтаналіўную станцыю.
Для атакі выкарыстоўваліся ўкраінскія распрацоўкі — RS-1 «Барс», FP-1 «Firepoint», БАРС-СМ «GLADIATOR» і іншыя.
«Сярод іншага ўражана прадпрыемства «Ангстрэм» у Зеленаградзе Маскоўскай вобласці РФ, якое спецыялізуецца на вытворчасці высокатэхналагічнай прадукцыі і мікрасхем для высокадакладнай зброі. На тэрыторыі аб’екта зафіксаваны пажар.
Прадпрыемства з’яўляецца важным складнікам расійскага ваенна-прамысловага комплексу і задзейнічана ў вытворчасці мікраэлектронікі, радыёэлектронікі, аптычных сістэм і робататэхнікі для ваенных патрэб ворага.
Таксама ў Маскоўскай вобласці ўражана помпавая станцыя «Сонечнагорская», якая з’яўляецца крытычнай часткай кальцавога нафтапрадуктаправода вакол Масквы і выкарыстоўваецца для перапампоўвання, захоўвання і адгрузкі вялікіх аб’ёмаў бензіну і дызельнага паліва, у тым ліку і для расійскай арміі», — гаворыцца ў заяве ўкраінскага Генштаба.
У ноч на 17 мая Маскоўскі рэгіён зазнаў адну з самых масіраваных атак беспілотнікаў. Некаторыя беспілотнікі ўдарылі па прамысловых аб'ектах у Падмаскоўі. Частка падаўленых РЭБ беспілотнікаў урэзалася ў жылыя дамы, вядома пра чатырох загінулых.
Вялікая атака дронаў на Маскву і вобласць. Ёсць ахвяры, гарыць нафтаналіўная станцыя ў прыгарадзе
На тэрыторыі аэрапорта Шарамеццева пасля налёту БПЛА пачаўся пажар
Уладзімір Зяленскі пракаментаваў налёт на Маскоўскі рэгіён
Маладая кіеўская пара, што загінула падчас расійскага авіяўдару, рыхтавалася да вяселля
Каментары
Сидела моль одна, скучала
И решила, что для уважухи
Ей не хватает лишь движухи