«Менск шукае арганізатараў і фінансістаў пратэстаў». Былога палітвязня Міхаіла Жамчужнага адпусцілі пасля допыту
Сёння прайшоў ператрус у былога палітвязня Міхаіла Жамчужнага. Ён паведаміў у 13.30, што выйшаў з допыту.
«Паказанняў ніякіх не даваў. Беражыце сябе. Менск шукае арганізатараў і фінансістаў пратэстаў», — паведаміў Жамчужны.
У яго на 1 снежня быў прызначаны суд з нагоды зменаў патрабаванняў прэвентыўнага нагляду.
Міхаіл Жамчужны, нагадаем, быў асуджаны на 6,5 года зняволення. Некаторы час ён быў адзіным палітвязнем краіны.
Каментары