Аляксандр Лукашэнка адзначыў паспяховую працу банкаўскай сферы краіны па выніках 2021 года. Пра гэта ён заявіў сёння, прымаючы з дакладам старшыню праўлення Нацбанка Паўла Калаўра і памочніка па пытаннях развіцця фінансава-крэдытнай сістэмы Валерыя Бельскага.
«Сённяшняя наша размова абсалютна не звязаная з якімі-небудзь праблемамі. Хутчэй, наадварот. У мінулым годзе вы проста малайцы, спрацавалі нядрэнна, уся банкаўская сістэма. Але трэба аддаць належнае і эканоміцы. Эканоміка працавала», — цытуе Лукашэнку БелТА.
«Ніякага ціску залішняга не будзе ні на вас, ні на памочніка, які займаецца гэтымі пытаннямі, ні на ўрад. Проста публічна, каб людзі ведалі, хачу вас папярэдзіць і ўрад: тое, што мы намецілі — ВУП і іншыя паказчыкі (стабільнасць павінна быць забяспечаная, людзі не павінны перажываць) — гэта святое.
Крый божа, гэта не будзе выканана. Галоўнае, як вы толькі што прызналі абодва, гэта эканоміка. Усё астатняе — другаснае», — падкрэсліў Лукашэнка.
Пастар Грэм на «Чыжоўка-арэне» папрасіў маліцца за Лукашэнку і Пуціна. А сам маліўся за Трампа55
Каментары