Łukašenka — kiraŭniku Nacbanka: Kryj boža, heta nie budzie vykanana
Alaksandr Łukašenka adznačyŭ paśpiachovuju pracu bankaŭskaj śfiery krainy pa vynikach 2021 hoda. Pra heta jon zajaviŭ siońnia, prymajučy z dakładam staršyniu praŭleńnia Nacbanka Paŭła Kałaŭra i pamočnika pa pytańniach raźvićcia finansava-kredytnaj sistemy Valeryja Bielskaha.
«Siońniašniaja naša razmova absalutna nie źviazanaja ź jakimi-niebudź prablemami. Chutčej, naadvarot. U minułym hodzie vy prosta małajcy, spracavali niadrenna, usia bankaŭskaja sistema. Ale treba addać naležnaje i ekanomicy. Ekanomika pracavała», — cytuje Łukašenku BiełTA.
«Nijakaha cisku zališniaha nie budzie ni na vas, ni na pamočnika, jaki zajmajecca hetymi pytańniami, ni na ŭrad. Prosta publična, kab ludzi viedali, chaču vas papiaredzić i ŭrad: toje, što my namiecili — VUP i inšyja pakazčyki (stabilnaść pavinna być zabiaśpiečanaja, ludzi nie pavinny pieražyvać) — heta śviatoje.
Kryj boža, heta nie budzie vykanana. Hałoŭnaje, jak vy tolki što pryznali abodva, heta ekanomika. Usio astatniaje — druhasnaje», — padkreśliŭ Łukašenka.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty38
Kamientary