Палітзняволенага дэсантніка, асуджанага на 3 гады калоніі, пакаралі яшчэ адным годам зняволення
Супраць былога дэсантніка, а цяпер палітвязня з Салігорска 31-гадовага Руслана Акосткі, якога асудзілі на 3 гады калоніі за супраціўленне міліцыянтам пры затрыманні на акцыі памяці Рамана Бандарэнкі, у віцебскай калоніі №3 завялі новую крымінальную справу.
Суд над Русланам Акосткам адбыўся ў будынку калоніі «Віцьба», паведамляе «Вясна». Аб працэсе не ведалі нават сваякі палітвязьня — тры месяцы ад яго наогул не было вестак.
У выніку суддзя Віцебскага раённага суда Міхаіл Зубеня абвінаваціў палітвязня паводле арт. 411 Крымінальнага кодэкса (злоснае непадпарадкаванне патрабаванням адміністрацыі папраўчай установы) і асудзіў яго на год калоніі.
Руслан Акостка да затрымання працаваў ахоўнікам у супермаркеце Green.
Мужчына стаў вядомым пасля таго, як 15 лістапада 2020 года здолеў прайсці амаль праз увесь горад з бел-чырвона-белым сьцягам. Такім чынам ён ушанаваў памяць забітага Рамана Бандарэнкі. У выніку Руслана затрымалі міліцыянты, пасля чаго змясцілі ў ізалятар. Спачатку ён атрымаў 15 сутак арышту, аднак на волю ён так і не выйшаў. На яго завялі крымінальную справу за «супраціўленне супрацоўніку міліцыі, які ахоўвае грамадскі парадак» (арт. 363 КК).
Суд праходзіў у закрытым рэжыме. Суддзя Алеся Серадзенка прысудзіла 3 гады пазбаўлення волі ў калоніі агульнага рэжыму. Абвінавачаны таксама абавязаны быў выплаціць матэрыяльную кампенсацыю ў 2000 рублёў.
Цяпер чытаюць
У Беларусі знайшлі копію швейцарскіх Альпаў — але турыстаў там не чакаюць2
Каментары