Palitźniavolenaha desantnika, asudžanaha na 3 hady kałonii, pakarali jašče adnym hodam źniavoleńnia
Suprać byłoha desantnika, a ciapier palitviaźnia z Salihorska 31-hadovaha Rusłana Akostki, jakoha asudzili na 3 hady kałonii za supraciŭleńnie milicyjantam pry zatrymańni na akcyi pamiaci Ramana Bandarenki, u viciebskaj kałonii №3 zaviali novuju kryminalnuju spravu.
Sud nad Rusłanam Akostkam adbyŭsia ŭ budynku kałonii «Vićba», paviedamlaje «Viasna». Ab pracesie nie viedali navat svajaki palitviaźnia — try miesiacy ad jaho naohuł nie było viestak.
U vyniku sudździa Viciebskaha rajonnaha suda Michaił Zubienia abvinavaciŭ palitviaźnia pavodle art. 411 Kryminalnaha kodeksa (złosnaje niepadparadkavańnie patrabavańniam administracyi papraŭčaj ustanovy) i asudziŭ jaho na hod kałonii.
Rusłan Akostka da zatrymańnia pracavaŭ achoŭnikam u supiermarkiecie Green.
Mužčyna staŭ viadomym paśla taho, jak 15 listapada 2020 hoda zdoleŭ prajści amal praz uvieś horad ź bieł-čyrvona-biełym ściaham. Takim čynam jon ušanavaŭ pamiać zabitaha Ramana Bandarenki. U vyniku Rusłana zatrymali milicyjanty, paśla čaho źmiaścili ŭ izalatar. Spačatku jon atrymaŭ 15 sutak aryštu, adnak na volu jon tak i nie vyjšaŭ. Na jaho zaviali kryminalnuju spravu za «supraciŭleńnie supracoŭniku milicyi, jaki achoŭvaje hramadski paradak» (art. 363 KK).
Sud prachodziŭ u zakrytym režymie. Sudździa Alesia Sieradzienka prysudziła 3 hady pazbaŭleńnia voli ŭ kałonii ahulnaha režymu. Abvinavačany taksama abaviazany byŭ vypłacić materyjalnuju kampiensacyju ŭ 2000 rubloŭ.
-
Fatohraf z Kalinkavičaŭ zasudziŭ Maskoŭski zaapark, jaki vykarystaŭ biez dazvołu jaho fota norki
-
«Heta jaho paduška biaśpieki». Na trasie pad Minskam zaŭvažyli niezvyčajny sposab pieravozki šyn
-
Łukašenka ŭviazaŭ vyzvaleńnie palitviaźniaŭ z adkryćciom amierykanskaha pasolstva i finansavymi pytańniami
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary