Заснавальнік клінікі для жанчын збіраецца на Эверэст з яйцаклеткамі і сперматазоідамі беларусаў
Андрэй Пекураў, адзін з заснавальнікаў сеткі клінік рэпрадуктыўнага здароўя EVACLINIC, даставіць на Эверэст донарскія палавыя клеткі, а таксама запіскі з пажаданнямі кліентаў.
Андрэй Пекураў цяпер знаходзіцца ў базавым лагеры Эверэста на вышыні 5364 метры, дзе рыхтуецца скарыць самую высокую кропку свету. Да гэтай падзеі ў кампаніі запушчаны незвычайны праект — Еva Galáctica, паведамляе marketing.bу.
— Кожны можа пакінуць у EVACLINIC ці на спецыяльным сайце свае мары, а Андрэй Пекураў даставіць іх на найвышэйшую кропку планеты!
І адтуль прашэпча самому Сусвету, каб усе яны спраўдзіліся! І гэта яшчэ не ўсё! Скараць гару Андрэй Пекураў будзе з вельмі важным і вельмі каштоўным грузам ад банка донарскіх палавых клетак. На вяршыню Эверэста Андрэй падыме д'юар (спецыяльны посуд), у якім у вадкім азоце пры тэмпературы мінус 196 С захоўваюцца крыакансерваваныя яйцаклеткі і зародкі, — распавялі ў EVACLINIC.
Навошта гэта робіцца, не паведамляецца, але гаворыцца, што крыякансерваваных рэпрадуктыўных клетак, з якіх могуць нарадзіцца дзеці, на Эверэсце яшчэ не было.
Старт фінальнага штурму вяршыні запланаваны на 18 траўня 2022 года.
-
Навукоўцы ўпершыню зафіксавалі спарванне леапардавых акул. Аказалася, што ўдзельнічаюць самка і адразу два самцы ВІДЭА
-
Жыхара Івацэвічаў выгналі са школы за тое, што купляў смажанкі
-
Вядучая СТБ каталася на расійскіх нумарах, якія нехта прыляпіў на скотч — і не ведала пра гэта. Цуд растлумачылі ў 102
Цяпер чытаюць
Былы памочнік Лукашэнкі Ігар Брыло прызнаў, што набраў хабараў на $2 мільёны10
Каментары