Свет

Чэхія па эканоміцы амаль дагнала Францыю, а Румынія ўжо больш паспяховая за Расію

Але Беларусь, Расія і Украіна апошнія дзесяць гадоў тапталіся на месцы.

Прага. Фота: pixabay.com

Алег Іцхокі, рускі і амерыканскі эканаміст, звярнуў увагу на паказальны факт: Румынія абагнала Расію па ВУП на душу насельніцтва, піша thinktanks.by.

ВУП Румыніі ў 2020 годзе на душу насельніцтва складаў 12,9 тыс. долараў, у Расіі — 10,1 тыс., у Беларусі — 6,4 тыс. долараў.

Але ж Румынія — гэта краіна без прыродных рэсурсаў, яна заўсёды была сатэлітам Савецкага саюза, прычым адным з самых бедных.

Алег Іцхокі падкрэсліў, што эканомікі ўсіх краін Усходняй Еўропы, за выключэннем Беларусі, Украіны і Расіі, рухаюцца па адной агульнай траекторыі.

Гэтае паступальнае развіццё з прыкладна чатырохпрацэнтным ростам штогод на працягу апошніх 25—30 гадоў.

Там не было скачкоў росту з наступнай рэцэсіяй, як у Беларусі і Расіі.

І рухаючыся плаўна наперад, Усходняя Еўропа дасягнула вынікаў, якія ўражваюць.

Чэхія па ВУП на душу насельніцтва ўжо практычна дагнала Францыю — ён складае 95% ад французскага.

Гэта значыць, фактычна яна перайшла ў разрад развітых краін. Хоць Чэхія таксама была «малодшым братам» Савецкага саюза.

За Чэхіяй ідуць Эстонія, Славенія — сёння гэта сапраўды багатыя краіны. Потым ідуць Польшча, Венгрыя, Славакія. А за імі падцягваецца Румынія, а таксама яшчэ адстаюць Сербія і Балгарыя.

«Усе яны рухаюцца па тых жа траекторыях. Калі мы паглядзім, дзе знаходзіцца Румынія — яна проста на дзесяць гадоў адстае ад Чэхіі. А Балгарыя і Сербія адстаюць яшчэ на 5 гадоў. Можа быць, калі пройдзе 10 гадоў развіцця, яны дагоняць Францыю», — прагназуе эканаміст.

Для сусветнай эканомікі гэта ўнікальная сітуацыя. Таму што ў свеце практычна не было краін, якія завяршылі пераход ад стану краін, што развіваюцца, да развітых.

З буйных краін мы можам казаць толькі пра Паўднёвую Карэю, якая завяршыла гэты пераход. А цяпер цэлы рэгіён скончыць сваю трансфармацыю ў развітыя краіны — за кошт заходнееўрапейскага інстытуцыйнага прыцягнення.

Ва Украіны, Беларусі і Расіі павінен быў быць падобны шлях развіцця. Але апошнія 10—12 гадоў гэтыя эканомікі практычна не растуць. Скачок росту ў 2000-х прывёў да моцнай тэрытарыяльнай няроўнасці, калі багацце канцэнтравалася ў буйных гарадах, а за іх межамі людзі жылі бедна.

Калі паглядзець на Польшчу ці Румынію — там рост значна больш раўнамерны. Гэтыя краіны ператвараюцца па сваёй структуры ў свайго роду Нямеччыну, хаця бяднейшую. Нямеччыну, дзе няма гарадоў, якія моцна выдзяляюцца і значна апярэджваюць сельскую мясцовасць. Паняцце сельскай мясцовасці ў Германіі — гэта багатыя вёскі, дзе жывуць багатыя людзі.

Ва Усходняй Еўропе раўнамерны рост стварае вялікі сярэдні клас. І гэта тое, што было б у інтарэсах і Беларусі, і Украіны, і Расіі.

Аднак розніца ў палітычным ладзе абумовіла скатванне на іншую траекторыю, лічыць Алег Іцхокі.

Каментары

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Я адчуваю сябе дурнем». Ілан Маск пашкадаваў пра грошы, што аддаў на падтрымку рэспубліканцаў13

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

У Мінску ў наземным грамадскім транспарце можна аплаціць праезд банкаўскай карткай2

Лаўрова спыталі, ці ўдаліся перамовы Пуціна з Трампам і Сі. Адказ быў няўцямным ВІДЭА1

Перамовы Трампа, Пуціна і Сі працягваліся паўтары гадзіны

У пяць разоў вырасла колькасць скаргаў, якія стаў задавальняць Вярхоўны суд. Лукашэнка спытаў, што адбываецца6

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць