Усяго патроху

Колькі сяброў вам насамрэч трэба?

Пандэмія, эміграцыя — беларусам у апошнія гады ўсё цяжэй падтрымліваць сяброўскія адносіны. А колькі такіх адносін увогуле трэба чалавеку?

Фота: pixabay.com

Наяўнасць сяброў — важны фактар дабрабыту чалавека. Супрацьлеглыя яму паняцці, адзінота і сацыяльная ізаляцыя, могуць быць звязаныя з павышанай рызыкай дэпрэсіі і трывожнасці ці з хваробамі накшталт інфаркту ці інсульту. Ёсць нават даныя, што адзінота можа быць такой жа шкоднай фізічнаму здароўю, як курэнне 15 цыгарэт у дзень.

Колькі ж сяброў дастаткова мець, каб не адчуць на сабе наступствы адзіноты? Калі ваша мэта — проста змякчыць дрэнны ўплыў адзіноты на здароўе, трэба мець у сваім жыцці як мінімум аднаго важнага чалавека. Гэта можа быць не толькі сябар, але, напрыклад, сваяк ці каханы, піша New York Times.

Але калі вам хочацца весці больш змястоўнае жыццё і адчуваць сябе звязаным з іншымі, то чым больш у вас будзе сяброў, тым лепш.

Самая вядомая тэорыя пра тое, колькі сяброў можа быць у чалавека, звязаная з брытанскім псіхолагам і антраполагам Робінам Данбарам. Ён падлічыў, што людзі могуць адначасова падтрымліваць толькі каля 150 сувязей (іншыя даследаванні даюць больш высокую лічбу), і гэтая лічба ўключае ў сябе магчымасць мець каля пяці блізкіх сяброў.

Іншыя даследаванні даюць падобныя лічбы. Напрыклад, па адных даных людзі, якія мелі шэсць сяброў і больш, адрозніваліся на працягу жыцця лепшым здароўем. Іншая праца, зробленая прафесаркай С’юзан Дэгз-Уайт з універсітэта паўночнага Ілінойса, сведчыць — жанчыны сярэдняга ўзросту, якія мелі трое сяброў ці больш, былі больш задаволеныя жыццём.

Тая самая Дэгз-Уайт нядаўна правяла яшчэ адно даследаванне, згодна з якім большасць людзей самі адчуваюць, колькі сяброў ім трэба. 55% з яе рэспандэнтаў палічылі, што лепш за ўсё мець 2-3 блізкіх сябра, а 31% выбраў варыянт у 4-6 сяброў.

І ўсё-ткі ніхто лепш за вас не адкажа, ці трэба вам мець больш сяброў. Проста задайце сабе пытанне: ці адчуваю я сябе адзінокім? Калі так, то трэба імкнуцца да больш цесных сувязей з іншымі людзьмі.

Вядома, што заводзіць новых сяброў у дарослым узросце цяжка, таму можна паспрабаваць аднавіць старыя сувязі. Вазьміце на сябе ініцыятыву і памятайце, што колькасць часу, праведзенага разам з будучым сябрам, таксама мае значэнне — чым даўжэй вы разам, тым якасней ваша сувязь.

Але не трэба траціць час на адносіны з людзьмі, якія здаюцца вам ненадзейнымі, занадта вас крытыкуюць ці яшчэ нейкім чынам прымушаюць адчуваць сябе некамфортна. Такое «сяброўства», наадварот, можа нашкодзіць здароўю.

«Нашу Ніву» фінансуюць яе чытачы — падтрымаць проста

Чытайце таксама:

«Пазнаёміліся — і разам пачалі партызаніць». Беларускі расказалі, як падчас пратэстаў сустрэлі блізкіх людзей

Каментары

Цяпер чытаюць

«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца10

«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца

Усе навіны →
Усе навіны

Гайдукевіч параіў выкладваць у тыкток «не дупу»15

Беларуска падзялілася ўражаннямі ад аўтобуснага тура ў Дагестан — 32 гадзіны да першага начлега2

Ахматавец у Курскай вобласці расстраляў краму з гранатамёта. Z-каналы заклікалі пакараць яго, але позна2

Новы фільм з «дзіцём Беларусі». Як «Балерына» працягвае справу Джона Уіка7

У жанчыны ў Германіі нарадзіўся 100-ы праўнук

У Беларусі крытычна падае нараджальнасць. А як у суседніх краінах?16

Расіяне нанеслі масіраваны ўдар па Кіеве і Адэсе1

Актрыса Ганна Хітрык паведаміла, што рак вярнуўся6

Чаму ў сярэднім узросце наша талія павялічваецца? Прычына нечаканая1

больш чытаных навін
больш лайканых навін

«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца10

«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца

Галоўнае
Усе навіны →

Заўвага:

 

 

 

 

Закрыць Паведаміць