Аляксандр Лукашэнка на сустрэчы з міністрам замежных спраў РФ Сяргеем Лаўровым паўтарыў свае словы, што абмежаванне транзіту ў Калінінградскую вобласць раўназначна абвяшчэнню вайны.
«У гэтым вы можаце не сумнявацца. Я думаю, прэзідэнт Расеі таксама ў гэтым абсалютна перакананы, — заявіў Аляксандр Лукашэнка. — Я калісьці сказаў. Думаю, Вы падтрымайце гэтую ідэю. Упэўнены, што падтрымайце. Што мы не настолькі дурныя, каб кагосьці інкарпараваць, як на Захадзе кажуць, ці ўключаць у склад не тое Беларусі Расію, не то Расіі Беларусь. Мы досыць разумныя, каб дзве незалежныя дзяржавы маглі выбудаваць такую канструкцыю нашых адносін, што пазайздросцяць ў свеце і іншыя. Мы да гэтага ідзем, рухаемся»
«Ужо абвясцілі эканамічную вайну. Што такое транзіт зачыніць? І ўсе крычаць пра нейкі Сувалкскі калідор. Слухайце, мы з вамі аб гэтым не кажам, а яны крычаць. Яны што, намякаюць?» — цытуе Аляксандра Лукашэнку БелТА.
Сувалкаўскі калідор — участак тэрыторыі Літвы і Польшчы, размешчаны паміж Беларуссю і Калінінградскай вобласцю. Яго шырыня складае каля 100 км. Праз яго праходзяць сухапутныя шляхі паміж краінамі Балтыі і астатняй часткай ЕС.
Лукашэнка ў размове з Лаўровым адхіліў сілавы варыянт рашэння. Паводле яго слоў, дастаткова сіл у дзвюх краін, каб даставіць грузы ў Калінінград. «Без усялякіх войнаў і высілкаў. Мы з Пуціным вельмі сур'ёзна абмяркоўвалі гэтыя пытанні», — дадаў ён.
Лаўроў у сваю чаргу распавёў Лукашэнку, што аказваецца ў Еўропе з'яўляецца ўсё больш «разважных людзей».
«Там цяпер усё больш і больш з'яўляецца разважных людзей, якія ўжо пачынаюць думаць: а што далей? Калі скончыцца гэтая сітуацыя, што далей? Трэба ж думаць пра агульнаеўрапейскае супрацоўніцтва. Я не ведаю, аб якім супрацоўніцтве ідзе гаворка. У цяперашніх умовах цяжка сабе ўявіць. Але аб тым, што выбудоўваць бяспеку без нас з вамі немагчыма ў Еўропе — гэта факт, і вось гэта многія пачынаюць разумець», — сказаў ён.
Усе зноў загаварылі пра Сувалкаўскі калідор. У чым ягонае значэнне і небяспека?
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ6
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары