Еўрапейскі вяшчальны саюз (EBU) пацвердзіў, што конкурс песні «Еўрабачанне-2023» пройдзе ў Злучаным Каралеўстве ў супрацоўніцтве з украінскім тэлевяшчальнікам.
Вырашана, што Еўрабачанне ў наступным годзе пройдзе ў Брытаніі. Па правілах конкурсу, яго прымае ў сябе тая краіна, чые прадстаўнікі выйгралі Еўрабачанне папярэдняга года. У 2022 годзе перамогу прысудзілі ўкраінскай групе Kalush Orchestra.
Яшчэ ў чэрвені арганізатары Еўрабачання са шкадаваннем канстатавалі, што правесці конкурс у краіне, дзе ідзе поўнамаштабная вайна, не атрымаецца. З тых часоў ішлі перамовы з Вялікабрытаніяй: брытанскі калектыў заняў другое месца на конкурсе.
Прадстаўнікі Еўрапейскага вяшчальнага саюза падкрэслілі, што перамога Украіны павінна быць у поўнай меры адлюстравана падчас конкурсу будучага года.
Пакуль невядома, які горад Вялікабрытаніі будзе прымаць Еўрабачанне. Цікавасць ужо выказалі Глазга і Манчэстэр. Гарады павінны будуць даказаць, што ў іх ёсць патрэбныя для правядзення конкурсу ўмовы, і прайсці працэдуру таргоў. Арганізаваць і трансляваць выступы будзе Бі-бі-сі.
Цяпер чытаюць
Лосік расказаў, як Бабарыку катавалі ў наваполацкай калоніі26
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары