Вось што трэба ведаць пра тое, ці могуць зацвілыя прадукты шкодна паўплываць на ежу, што ляжыць каля іх. Ці трэба выкідаць такія прадукты?
Эксперты кажуць, што адзін цвілы яблык сапраўды можа сапсаваць іншыя, каля якіх ён ляжыць, але на гэта трэба час. Нават калі прадукт дакранаўся да цвілой ежы, яго можна вымыць і спакойна з'есці. Але ж ёсць рэчы, якія важна пры гэтым улічваць, піша Huffpost.
Цвіль звычайна распаўсюджваецца праз перанос спор у паветры, яе могуць таксама пераносіць вада ці насякомыя. Вось чаму цвіль можа лёгка пераносіцца, напрыклад, з аднаго памідора на другога, які дакранаецца да яе. Таму найлепшы выбар — выкінуць прадукт, на якім з’явілася цвіль, і агледзець прадукт, які ляжаў побач з ім. Калі на ім таксама цвіль, ці ён змяк, у яго памяняўся колер, то яго таксама варта выкінуць.
Ёсць віды цвілі бяспечныя для здароўя, часам яны нават робяць ежу больш каштоўнай — згадайце той жа самы сыр з цвіллю. Але ёсць і віды цвілі, што выклікаюць сур’ёзныя хваробы, вылучаюць бактэрыі і таксіны, якія шкодзяць здароўю.
Калі плямка цвілі малая, то яе можна проста выразаць, а рэшту плода — з'есці. Так бывае, напрыклад, на гародніне тыпу капусты, балгарскага перца ці морквы. Але старайцеся не дакранацца нажом да самой цвілі, каб не занесці яе на здаровую частку прадукту.
Ніколі не нюхайце цвілой ежы, бо так вы можаце ўдыхнуць споры цвілі, што можа выклікаць рэспіраторную хваробу. І нават калі прадукт выглядае нармальна або калі вы выразалі з яго цвіль, гэта не азначае, што прадукт цалкам бяспечны, бо некаторыя шкодныя мікраарганізмы ніяк сябе не праяўляюць.
Каб сябе засцерагчы, мыйце садавіну і гародніну і старайцеся не есці яе сырой. Таксама лепей трымаць сырое мяса і іншыя сырыя прадукты асобна ад прыгатаваных.
Калі ж вы ўсё-такі з’елі нешта цвілое і ў вас з'явіліся сімптомы алергіі, звярніцеся да доктара. Сімптомы алергіі на цвіль — раптоўная дыхавіца, млоснасць, ліхаманка або дыярэя.
Ці можна есці цвілую ежу?
Як паменшыць харчовыя адкіды? Уласны досвед
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх16
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1515
Каментары