Што робіцца з цэнамі на прадукты і парашкі, пасля таго як іх забаранілі падымаць?
6 кастрычніка Лукашэнка запатрабаваў увесці мараторый на павышэнне цэн. Паглядзелі, як за гэтыя тыдні змяніліся цэны на некаторыя тавары.
Так, напрыклад, агуркі ў «Е-дастаўцы» 7 кастрычніка каштавалі 4,25 рубля, цяпер цана знізілася да 4,08.
Пекінская капуста цяпер каштуе 2,86 рубля замест 3,99.
Танней на 8 капеек стала звычайная капуста — цяпер яе прадаюць па 0,82 рубля за кіло.
Свіное мяса ў «Е-дастаўцы» раней каштавала 13,95 рубля, цяпер цана знізілася да 12,84.
Змянілася цана і на маянэз — цяпер за яго давядзецца заплаціць 3,19 рубля (калі без зніжкі) замест 3,49.
А вось цана на тушку курыцы не змянілася — 5,92 рубля за кіло.
Прыкметна патаннеў пральны парашок. Цяпер выкласці за капсулы «Ariel» трэба будзе 46,64 рубля замест 54,55.
Цана на каву — 14,53 рубля за 250 г. А яшчэ 7 кастрычніка такі ж самы пачак Lavazza каштаваў 19,95.
Антыперспірант «Dove» раней каштаваў 12,75, цяпер — 11,11.
Каментары
іншае зніжэнне коштаў не заўважыла. зрэшты і не прыглядалася. навошта? ясна, што ляцім у тар-тары. і гэтая часовая зніжка на хлебцы ўсё, что можа выклікаць - гэта нервовую ўсмешку
але бадай затаруся оптам у бліжэйшыя дні) на выпадак ядронай вайны