Мінскіх манашак не пускаюць на англійскі кірмаш з-за падтрымкі вайны
Свята-Елісавецінскі манастыр размешчаны ў Мінску, у яго майстэрнях вырабляюць посуд, сувеніры, адзенне. Пасля гэта ўсё прадаецца, у тым ліку і ў заходніх краінах. Але з-за таго, што гэты манастыр актыўна падтрымлівае дзеянні Расіі ва Украіне, у гэтым годзе з паездкамі ўзнікаюць праблемы, піша «Хрысціянская візія».
Манастыр даўно збірае грошы для патрэб самаабвешчаных «ЛНР» і «ДНР», а пасля лютага 2022 года дапамагаў купляць адзенне і экіпіроўку для расійскіх вайскоўцаў ва Украіне.
З-за падтрымкі вайны гарадская рада Уінчэстэра ў Англіі прыняла рашэнне аб немагчымасці сёлетняга ўдзелу мінскага манастыра ў калядным базары ў іх горадзе. З просьбай забараніць яго ўдзел у раду звярнуліся розныя арганізацыі грамадзянскай супольнасці.
Калядны базар ва Уінчэстэры — адзін з найбольшых у Вялікабрытаніі, туды прыязджае больш за 350 тысяч чалавек.
Чытайце таксама:
«Сваіх не кідаем». Мінскі Свята-Елісавецінскі манастыр актыўна спрыяе расійскай агрэсіі ва Украіне
Герой Беларусі Марына Васілеўская нарадзіла дачку ад касманаўта Алега Навіцкага16
Каментары
Между россией и европой вбит огромный клин от черного до балтийского моря. Некоторые жилки еще держатся, но со временем и они оборвутся.
Беларусь либо станет частью этого клина.
Либо будет отколота вместе с Россией.