У мінскім Ракаўскім прадмесці адкрыюць навагодні кірмаш з Чабурашкам і «Ералашам»
У Ракаўскім прадмесці адкрыюць навагодні кірмаш. Ягонымі героямі стануць Чабурашка і тэлежурнал «Ералаш», бо іх аўтар, мастак-мультыплікатар Леанід Шварцман, нарадзіўся і жыў акурат у гэтым раёне Мінска. Шварцман памёр у гэтым годзе на 102-м годзе жыцця.
Кірмаш збіраюцца адкрыць 20 снежня; у будныя дні ён будзе працаваць з 14:00 да 23:00, у выхадныя — з 12:00 да 23:00.
Штодзень з 18:00 да 19:00 на плошчы будуць праходзіць тэатралізаваныя прадстаўленні з конкурсамі, караоке і прызамі ад Дзеда Мароза і Снягуркі.
З забаў абяцаюць тэатралізаваныя паказы з мультыплікацыйнымі героямі, выставу-кірмаш з навагоднімі таварамі. А вечарам на фасадах будынкаў будуць трансляваць «Ералаш».
Чытайце таксама:
Калядныя кірмашы ў Мінску запрацуюць толькі з 17 снежня
Дзе ў Мінску можна будзе сустрэць Новы год
Сёлета традыцыйны навагодні кірмаш у Мінску пройдзе ў новым месцы
«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца16
Каментары