Рэальныя наяўныя даходы беларусаў за студзень — кастрычнік скараціліся на 3,9% да аналагічнага перыяду мінулага года. Такую статыстыку падае Белстат.
Месяцам раней падзенне было на ўзроўні 3,8% да такога ж перыяду мінулага года, за студзень — жнівень змяншэнне складала 3,6%.
Рэальныя наяўныя грашовыя даходы — гэта грашовыя даходы з вылічэннем падаткаў, збораў і узносаў, скарэктаваныя да ўзроўню інфляцыі. Яны з'яўляюцца адным з галоўных эканамічных паказчыкаў дабрабыту людзей.
Аснову даходаў складае аплата працы — яна займае 64,7% у агульным аб'ёме. На даходы ад прадпрымальніцкай і іншай дзейнасці, якая прыносіць даход, прыпадае 8,2%, доля трансфертаў насельніцтву (пенсіі, дапамогі, стыпендыі і іншыя трансферты насельніцтву) — 22,2%, даходаў ад уласнасці і іншых — 4,9%.
Рэальныя наяўныя даходы беларусаў падаюць на фоне запаволенай інфляцыі, адзначае Office Life. У лістападзе цэны нават знізіліся на 1,1%. Аднак у параўнанні са снежнем 2021 года спажывецкая інфляцыя дасягнула 12,4%.
Цяпер чытаюць
Усе гадаюць, чаму Месяц змяніў сваё становішча на небе. Спыталі ў астранома, што адбываецца3
Усе гадаюць, чаму Месяц змяніў сваё становішча на небе. Спыталі ў астранома, што адбываецца
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1212
Каментары