Кулеба: Украіна пераканала партнёраў пачаць пастаўкі ўсіх патрэбных відаў зброі, акрамя дзвюх вялікіх рэчаў
Міністр замежных спраў Украіны Дзмітрый Кулеба на форуме ў Давосе расказаў, якая цяпер сітуацыя з забеспячэннем Украіны перадавой заходняй зброяй, перадае «Укрінфарм».
Дзмітрый Кулеба. Фота: Efrem Lukatsky / AP Photo
«Так, гэта патрабуе часу, і так, мы хацелі б, каб гэта не патрабавала столькі часу, каб партнёры прынялі рашэнне, але ўрэшце
мы атрымліваем усё, пра што просім, акрамя дзвюх вялікіх рэчаў, якія прынцыпова яшчэ не былі разблакаваныя — заходнія баявыя знішчальнікі і дальнабойныя ракеты. Усё астатняе разблакаванае ў тым ці іншым выглядзе», — сказаў Кулеба.
Ён дадаў, што ў пачатку поўнамаштабнай вайны амаль усе размовы з патэнцыйнымі краінамі-пастаўшчыкамі ўзбраення пачыналіся з адмоў, асабліва калі размова ішла пра самыя складаныя віды зброі.
Каментары