Лукашэнка заявіў, што Украіна прапаноўвала заключыць пакт аб ненападзенні
На нарадзе з сілавым блокам Аляксандр Лукашэнка выступіў з «шакуючай заявай». Раней такая інфармацыя нідзе не з'яўлялася.
«З аднаго боку, просяць нас, каб мы ні ў якім разе не ваявалі з Украінай, каб нашы войскі туды не рухаліся. Пакт аб ненападзенні прапануюць заключыць. А з іншага боку, рыхтуюць гэтую грымучую сумесь і ўзбройваюць іх [баевікоў]. Польшча, Літва наогул ачумелі, — недыпламатычна выказаўся на адрас суседніх краін Аляксандр Лукашэнка.
— Навошта гэта ім трэба? Незразумела».
Ëн таксама пагражаў беларускаму народу жорсткімі рэпрэсіямі ў адказ на любыя праявы незадаволенасці.
«Нам па перыметры хапае пытанняў — і ў паветранай прасторы, і на зямлі, зялёная мяжа. У нас там хапае праблем. Дай бог утрымаць усё гэта. А яшчэ ўнутры нам хтосьці будзе ствараць? Таму рэакцыя на вось гэтую ўнутраную не апазіцыю, а экстрэмістаў — вылезлі з-пад плінтуса, не вылезлі — будзе жорсткая. І хай не крыўдзяцца: мы папярэджвалі», — выказаўся Лукашэнка (яго словы прыводзіць БелТА).
На сустрэчы з расійскім міністрам Лаўровым на мінулым тыдні ён пахваліў Украіну за тое, што яна выступіла супраць санкцый у дачыненні да Беларусі.
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку20
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары