Выступаючы на сумеснай прэс-канферэнцыі ў Елісейскім палацы пасля сустрэчы з Уладзімірам Зяленскім і Олафам Шольцам, прэзідэнт Францыі Эмануэль Макрон заявіў, што яго краіна мае намер прывесці Украіну да перамогі ў вайне з Расіяй.
«Мы падтрымліваем Украіну і маем намер прывесці яе да перамогі, — сказаў Макрон. — Украіна можа спадзявацца ў гэтым на Францыю і яе саюзнікаў, а Расія не павінна перамагчы і не пераможа ў гэтай вайне».
Прэзідэнт Францыі таксама запэўніў Зяленскага, што Парыж працягне аказваць ваенную дапамогу Украіне і будзе адаптавацца да патрэб Кіева.
Канцлер Германіі Олаф Шольц, які спецыяльна прыляцеў у Парыж, каб сустрэцца з Уладзімірам Зяленскім, таксама пацвердзіў, што яго краіна будзе аказваць Украіне ваенную дапамогу «столькі, колькі спатрэбіцца», і, як і яго французскі калега, падкрэсліў, што нельга дапусціць перамогі Расіі ў гэтай вайне.
Уладзімір Зяленскі, у сваю чаргу, падзякаваў Макрону і Шольцу за «спантанную ідэю аб правядзенні гэтай сустрэчы».
«Францыя і Германія патэнцыйна могуць у корані змяніць сітуацыю, — заявіў ён. — Чым хутчэй Украіна атрымае зброю далёкага радыусу дзеяння і сучасныя самалёты, тым мацнейшай будзе наша кааліцыя».
У чацвер прэзідэнт Украіны адправіцца ў Брусель на саміт ЕЗ.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў9
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары