Новыя паведамленні паступілі ў Чэхіі.
Сёння чэшская паліцыя паведаміла пра новыя пагрозы выбухаў на пасажырскіх самалётах. Папярэджанні паступілі ў дачыненні да некалькіх рэйсаў, якія выляталі з Прагі і прыбывалі ў чэшскую сталіцу. Пагрозы закранулі і іншыя міжнародныя авіярэйсы, піша Bild.
Так, два пасажырскія самалёты перадалі аварыйны код 7700, які абазначае агульную надзвычайную сітуацыю на борце.
Airbus A321 авіякампаніі Wizz Air, які выконваў рэйс з Парыжа-Бавэ ў румынскі Ясы, быў вымушаны змяніць курс і развярнуцца. Аналагічны сігнал падаў Boeing 737 румынскай авіякампаніі Tarom, які ляцеў з Прагі ў Бухарэст.
Ці звязаныя гэтыя інцыдэнты непасрэдна з пагрозамі выбухаў, пакуль не ўдакладняецца.
Напярэдадні, 5 лістапада, аналагічныя паведамленні паступілі ў дачыненні да не менш як 20 самалётаў у розных краінах Еўропы.
Некаторыя лайнеры былі вымушаныя змяніць маршрут і здзейсніць пазапланавую пасадку, для суправаджэння іншых у паветра падымалі знішчальнікі.
Падчас праверак выбуховых прыстасаванняў не выявілі.
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца3
А што будзе, калі вярнуцца ў Беларусь? Кажуць жа, што рэпрэсіі заканчваюцца
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары