Марка Рубіа можа пайсці ў адстаўку, каб рыхтавацца да прэзідэнцкай кампаніі
Дзяржаўны сакратар ЗША Марка Рубіа разглядае магчымасць пайсці з адміністрацыі Дональда Трампа, каб падрыхтавацца да ўдзелу ў прэзідэнцкіх выбарах 2028 года. Пра гэта паведамляе The Independent са спасылкай на ўплывовыя крыніцы ў ЗША і брытанскім урадзе.
Пасля паразы рэспубліканцаў на прамежкавых выбарах у Кангрэс Рубіа, паводле інфармацыі выдання, можа паспрабаваць дыстанцыявацца ад палітыкі адміністрацыі Трампа, у прыватнасці ад вайны з Іранам. Гэта дазволіла б яму палепшыць свае шанцы стаць кандыдатам ад Рэспубліканскай партыі на наступных прэзідэнцкіх выбарах.
Паводле ацэнак суразмоўцаў выдання, галоўным канкурэнтам Рубіа ў барацьбе за рэспубліканскую намінацыю пакуль з'яўляецца віцэ-прэзідэнт Джэй Дзі Вэнс.
Рубіа — адзін з пяці членаў цяперашняй адміністрацыі Трампа, якія, як мяркуецца, могуць пакінуць свае пасады пасля няўдалых для рэспубліканцаў прамежкавых выбараў.
Адзін з палітычных інсайдараў у Вашынгтоне лічыць, што Рубіа неабходна адмежавацца ад вайны з Іранам і перакласці адказнасць за яе на самога Трампа.
Адзін з паплечнікаў дзяржсакратара таксама заявіў, што яго адстаўка была б цалкам лагічным крокам. Паводле яго слоў, цяпер Рубіа мае лепшыя пазіцыі за Вэнса ў барацьбе за вылучэнне ад Рэспубліканскай партыі. Аднак, пакуль ён застаецца на пасадзе кіраўніка Дзярждэпартамента, пачаць паўнавартасную прэзідэнцкую кампанію будзе складана. Акрамя таго, сувязь з адміністрацыяй Трампа можа негатыўна паўплываць на яго электаральныя перспектывы.
Віцэ-прэзідэнт Вэнс пасля няўдалых вынікаў выбараў ужо таксама выступіў з крытыкай вайны ў Іране, імкнучыся таксама дыстанцыявацца ад гэтай палітыкі.
Мяркуецца, што Дональд Трамп можа ўскласці адказнасць за ваенную палітыку і наступныя электаральныя паразы на міністра абароны Піта Хегсета. Сярод тых, хто таксама можа стаць аб'ектам крытыкі і адказным за няўдачы адміністрацыі, называюць Марка Рубіа і кіраўніцу апарату Белага дома Сьюзі Уайлз.
Пры гэтым у брытанскім урадзе і сярод рэспубліканцаў заўважылі, што Рубіа апошнім часам адыгрывае менш прыкметную ролю ў пытанні Ірана, нягледзячы на тое, што ён застаецца адной з ключавых фігур у знешняй палітыцы ЗША.
Крыніца ў брытанскім урадзе паведаміла выданню, што там уважліва сочаць за далейшымі крокамі Рубіа пасля прамежкавых выбараў. На яе думку, ён наўрад ці надоўга застанецца на цяперашняй пасадзе і, хутчэй за ўсё, паспрабуе вылучыць сваю кандыдатуру на пасаду прэзідэнта ЗША.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары