Штогод буслы надбудоўваюць свае гнёзды. Шматузроўневыя буслянкі вельмі цяжкія: трохгадовае гняздо можа важыць больш за 200 кілаграмаў, а вельмі старое — больш за тону! Самастойна скінуць старое голле птушкі не могуць, і ім варта, калі магчыма, у гэтым дапамагчы, піша тэлеграм-канал «Дзікая прырода побач».
Цяжкая буслянка можа ўпасці, і здарыцца гэта можа і тады, калі ў ёй ужо вывеліся птушаняты.
Як дапамагчы буслам да іх прылёту?
Калі таўшчыня буслянкі большая за 30 см, скіньце верхнія слаі вецця з яе, калі ў вас ёсць доступ.
Абавязкова сачыце пры гэтым за сваёй бяспекай і за бяспекай тых, хто знаходзіцца побач!
Калі буслянка на слупе ЛЭП, не чапайце яе самастойна, а звярніцеся да электрыкаў. Папрасіце іх скінуць верхні слой, каб таўшчыня стала 15-20 см.
Калі буслянку скінула ветрам, можна зрабіць платформу з галля, жэрдак ці дошак сваімі сіламі. У НПЦ НАН Беларусі па біярэсурсах ёсць падрабязная інструкцыя па будаванні і ўсталяванні платформы для белых буслоў. Спампаваць файл можна па спасылцы.
Але калі буслянка знаходзіцца на апоры ЛЭП, гэта небяспечна і для птушак, і для чалавека. У такім выпадку трэба звярнуцца ў мясцовае падраздзяленне «Белэнерга» і ўдакладніць пра магчымасць усталявання новай апоры і платформы для буслянкі.
Чытайце таксама:
У Беларусь ужо вярнуліся першыя пералётныя птушкі
«Здаецца, гэта замаскіраваныя яноты». У вёсцы на Гомельшчыне жывуць буслы, якія не змаглі паляцець на поўдзень
Тры беларускія буслянкі ўвайшлі ў топ-10 самых вялікіх гнёздаў белых буслоў у Еўропе
Ратавальнікі дапамаглі буслу, нага якога заблыталася ў вяроўцы ВІДЭА
Цяпер чытаюць
«Я першамайскае быдла і ліміта, базару нуль. Але блізкі да цэнтра прыняцця рашэнняў». Што Тур піша пад псеўданімам у «экстрэмісцкім» чаце19
Каментары