Chutka viasna i prylaciać busły. Padrychtujciesia ich sustrakać
Štohod busły nadbudoŭvajuć svaje hniozdy. Šmatuzroŭnievyja buślanki vielmi ciažkija: trochhadovaje hniazdo moža važyć bolš za 200 kiłahramaŭ, a vielmi staroje — bolš za tonu! Samastojna skinuć staroje holle ptuški nie mohuć, i im varta, kali mahčyma, u hetym dapamahčy, piša telehram-kanał «Dzikaja pryroda pobač».
Ciažkaja buślanka moža ŭpaści, i zdarycca heta moža i tady, kali ŭ joj užo vyvielisia ptušaniaty.
Jak dapamahčy busłam da ich prylotu?
Kali taŭščynia buślanki bolšaja za 30 sm, skińcie vierchnija słai viećcia ź jaje, kali ŭ vas jość dostup.
Abaviazkova sačycie pry hetym za svajoj biaśpiekaj i za biaśpiekaj tych, chto znachodzicca pobač!
Kali buślanka na słupie ŁEP, nie čapajcie jaje samastojna, a źviarniciesia da elektrykaŭ. Paprasicie ich skinuć vierchni słoj, kab taŭščynia stała 15-20 sm.
Kali buślanku skinuła vietram, možna zrabić płatformu z halla, žerdak ci došak svaimi siłami. U NPC NAN Biełarusi pa bijaresursach jość padrabiaznaja instrukcyja pa budavańni i ŭstalavańni płatformy dla biełych busłoŭ. Spampavać fajł možna pa spasyłcy.
Ale kali buślanka znachodzicca na apory ŁEP, heta niebiaśpiečna i dla ptušak, i dla čałavieka. U takim vypadku treba źviarnucca ŭ miascovaje padraździaleńnie «Biełenierha» i ŭdakładnić pra mahčymaść ustalavańnia novaj apory i płatformy dla buślanki.
Čytajcie taksama:
U Biełaruś užo viarnulisia pieršyja pieralotnyja ptuški
«Zdajecca, heta zamaskiravanyja janoty». U vioscy na Homielščynie žyvuć busły, jakija nie zmahli palacieć na poŭdzień
Try biełaruskija buślanki ŭvajšli ŭ top-10 samych vialikich hniozdaŭ biełych busłoŭ u Jeŭropie
Ratavalniki dapamahli busłu, naha jakoha zabłytałasia ŭ viaroŭcy VIDEA
Ciapier čytajuć
Akademiju KDB budujuć prosta na Załatahorskich mohiłkach. Ź ziamli dastajuć pareštki minčukoŭ, jakich tut chavali sotni hadoŭ32
Kamientary