Адкрыццё офіса стала магчымым пры фінансавай падтрымцы Еўрасаюза.
Асацыяцыя падтрымлівае і прасоўвае бізнэс, які вядзецца сумленнымі беларусамі.
АВВА аказвае экспертныя кансультацыі, забяспечвае прававую падтрымку ў асаблівасцях вядзення бізнэсу. Займаецца лабіраваннем, адвакатаваннем, прадстаўніцтвам і абаронай правоў ды інтарэсаў беларускага бізнэсу ў існай геапалітычнай сітуацыі.
Таксама садзейнічае ў прыцягненні фінансавання для бізнэсу, стартапаў і бізнэс-ідэй (інвестыцыі, гранты, пазыкі, аблягчэнне крэдытавання шляхам стварэння механізму гарантыйнага фонду, прэміі ў конкурсах бізнэс-праектаў ды іншае).
Асацыяцыя дае магчымасць набыцця міжнародных кантактаў, пошуку партнёраў, ментараў, суінвестараў, бізнэс-праектаў і фінансавання, абмен досведам у бізнэс-супольнасці, сярод прадстаўнікоў бізнэсу, якія маюць агульныя каштоўнасці і прайшлі акрэдытацыю ў АВВА.
«Беларусы маюць вялікі прадпрымальніцкі патэнцыял. Але беларускі бізнэс праз рэжым і звязаныя з ім санкцыі мае кепскую рэпутацыю.
Таму неабходна ствараць пазітыўны імідж і прасоўваць інтарэсы законнага, легальнага і этычнага бізнэсу, які вядзецца беларускімі прадпрымальнікамі дзеля дабрабыту беларусаў і эканамічнага развіцця новай Беларусі як незалежнай дэмакратычнай краіны», — так абазначаюць місію асацыяцыі яе стваральнікі.
Прадстаўніком асацыяцыі ў Літве, Латвіі і Эстоніі стаў віцэ-прэзідэнт ABBA Сяргей Наўродскі.
Чытайце таксама:
«Для не IT-кампаніі рэлакацыя практычна немагчымая». Што адбываецца з бізнэсам у Беларусі і чаму «старт з нуля» ў іншай краіне гэта выйсце — меркаванне
Літоўская чыгунка затрымала 15 вагонаў з беларускімі ўгнаеннямі
Штат EPAM у Беларусі летась скараціўся напалову. А літоўская каманда вырасла ў 4,5 раза
Цяпер чытаюць
«Калі мне прыляціць, я гатовая». Наста Рагатко — пра сэкс-сцэну ў сваёй кнізе, прарасійскіх сваякоў, Гаюн і Матольку44
Каментары
Всё для людей...
Но ... не бесплатно.
Немножко подзаработают
и переберутся в Брюссель.