Свет1616

Расійскі блогер Варламаў паведаміў пра змену грамадзянства на туркменскае і пераездзе ў гэтую краіну. Нечакана ўсе павяліся

Учора блогер Ілля Варламаў паведаміў у сацсетках пра свой намер пераехаць у Туркменістан. Навіну пра гэта апублікавалі розныя СМІ.

«Цяпер гэта ўжо не сакрэт. Некалькі гадоў таму я ўвязаўся ў даволі незвычайную гісторыю. Сёння ў амбасадзе ў Стамбуле я прыняў грамадзянства Туркменістана і, нарэшце, атрымаў пашпарт», — напісаў Варламаў. Ён таксама дадаў, што бліжэйшым часам будзе займацца пераездам.

«Глядзіце і зайздросціце, я грамадзянін… Наперадзе складаны пераезд і шмат цікавага кантэнту», — дадаў блогер.

Сёння іншы блогер, Максім Кац звярнуўся да Варламава па тлумачэнні. Выявілася, што ён быў першым, хто пацікавіўся каментарыем Варламава.

«На жаль, я занадта моцна перавярнуў каляндар і думаў, што сёння 1 красавіка, а не 8 сакавіка. І ўжо думаў выдаляць гэты жарт, які зацягнуўся, але потым з цікавасцю пачаў назіраць, што ні адзін журналіст, які напісаў пра гэта, не знайшоў часу напісаць мне ці патэлефанаваць, каб узяць каментарый. Ніхто нават не адкрыў правілы атрымання туркменскага грамадзянства. Падобна, навіна пра тое, што Варламаў адпраўляецца ў Туркменістан, была такая добрая, што яе вырашылі не псаваць удакладненнямі.

Але калі б я сапраўды атрымаў туркменскае грамадзянства, то мяне хвалявала б цяпер толькі адно пытанне: мяне адразу павесяць або будзе суд?» — адказаў Варламаў Кацу.

У інстаграме Варламаў удакладніў, што думка пра тое, нібыта хтосьці добраахвотна захоча атрымаць туркменскі пашпарт, ды яшчэ і выхваляцца гэтым, здавалася яму такой абсурднай, што ён вырашыў запосціць фота як жарт.

«Я быў упэўнены, што ніхто ў такое не паверыць. Гэта ўсё роўна што: «Сябры, я вырашыў пераехаць у Паўночную Карэю». Але раптам жарт пачаў жыць сваім жыццём. Знаёмыя і сябры пісалі мне віншаванні! Хтосьці нават зайздросціў, пытаўся, як атрымаць!» — напісаў Варламаў.

Ён дадаў, што 8 сакавіка якраз было важным звярнуць увагу на Туркменістан, дзе, піша ён, жанчынам забаранілі вадзіць машыну і нават ездзіць на пярэднім сядзенні; закрылі ўсе салоны прыгажосці і забаранілі любыя касметычныя працэдуры; увялі фактычную забарону на аборты; нельга нават сядзець разам з мужчынам на лавачцы, калі вы не замужам.

«Для жанчын у краіне пачаўся сапраўдны кашмар. З кожным днём прымаюцца ўсё больш абсурдныя законы і забароны. Але ніхто пра гэта не піша і не кажа», — распавёў Варламаў.

За фільм «Забаронены Туркменістан» Варламаву ў 2016 годзе пагражалі адрэзаць галаву. У 2021 годзе ён зняў яшчэ адзін фільм пра Туркменістан — з цыклу «30 гадоў без СССР». У двухгадзінным фільме распавядаецца пра аўтарытарныя рэжымы Сапармурата Ніязава і Гурбангулы Бердымухамедава, пра праблемы жыхароў краіны і туркменскіх актывістаў, якіх улады краіны праследуюць нават за мяжой.

Каментары16

  • Так нн
    09.03.2023
    Тэмы для публікацый скончыліся?
  • Шос
    09.03.2023
    Хоть на чукотское. Никому не интересны эти имперские «либералы» хамелионы.
  • Чытач
    09.03.2023
    Кацап, а вы прачыталі тэкст навіны, а не толькі загаловак?

Цяпер чытаюць

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Усе навіны →
Усе навіны

У Кемераўскай вобласці Расіі разбіўся вайскова-транспартны самалёт Ан-12 «Чорны цюльпан» ВІДЭА11

Зяленскі расказаў, чым украінцы падбілі Крымскі мост10

Да людзей, якія шукаюць праўды і дапамогі ў тыктоку, сталі прыходзіць сілавікі4

Перастаў працаваць паблік «Беларуская турма» ў сацыяльнай сетцы «УКантакце»1

Пальчыс адказаў на прэтэнзію — «чаму народ вадзілі па праспектах» у 2020‑м61

Ціханоўскі з Карач згенеравалі 50‑старонкавы «маніторынг» дзейнасці «Нашай Нівы». Што з ім не так?44

Фонд Талая, што вінавацяць у русіфікацыі ўкраінскіх дзяцей, стварае цэнтр пад Барысавам3

«На 90% падтрымалі настаўнікі, а аднакласнікі не ацанілі». Дзяўчына расказала, як перайшла на беларускую мову20

У Гродзенскім заапарку нарадзілася дзіцяня міні-аленя — яго выратавала каза4

больш чытаных навін
больш лайканых навін

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім

Галоўнае
Усе навіны →

Заўвага:

 

 

 

 

Закрыць Паведаміць