У 2022 годзе на аўкцыён тры разы выстаўлялі лот па продажы маёмасці вядомага палітвязня Віктара Бабарыкі. Гаворка ішла пра аптычны прыцэл Victory V8 з драпінамі на корпусе, даведалася «Віцебская вясна».
Аптычны прыцэл Бабарыкі на таргі выстаўлялі ў мінулым годзе тройчы.
Першы раз прыцэл прадавалі летась у ліпені. Пачатковы кошт лота складаў 1 400 рублёў. У таргах узялі ўдзел восем чалавек, перамог удзельнік, які прапанаваў суму 5 306 рублёў. Аднак аўкцыён прызналі несапраўдным, бо пераможца не аплаціў пакупку.
Другі раз аўкцыён прайшоў у верасні 2022 года, пачатковую цану на прыцэл знізілі да 1 120 рублёў. У аўкцыёне ўзялі ўдзел сем чалавек, перамагла стаўка 4 599,40 рубля. Але, як і першы раз, лот не аплацілі, аўкцыён не адбыўся.
Трэці раз прыцэл прадавалі летась у лістападзе. У таргах узялі ўдзел 11 чалавек. Лот уцанілі да 840 рублёў, яго прадалі за 3 918,6 рубля, на гэты раз прыцэл аплацілі.
59-гадовы Віктар Бабарыка, які меў быць асноўным канкурэнтам Лукашэнкі на прэзідэнцкіх выбарах 2020 года, быў арыштаваны падчас выбарчай кампаніі летам 2020-га і пасля быў асуджаны на 14 гадоў за легалізацыю («адмыванне») сродкаў, атрыманых злачынным шляхам і атрыманне хабару. Ён адбывае пакаранне ў наваполацкай папраўчай калоніі №1 ва ўмовах узмоцненага рэжыму.
У 2021 годзе з малатка сышоў арыштаваны аўтамабіль Ford Fiesta Віктара Бабарыкі.
Цяпер чытаюць
На вуліцы Матусевіча ў Мінску побач з дзіцячым садком упаў беспілотнік20
На вуліцы Матусевіча ў Мінску побач з дзіцячым садком упаў беспілотнік
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2222
Каментары