Праз літоўскую мяжу не прапускалі фуру з фалаімітатарамі, прызначанымі для Расіі
Гісторыю пра эратычны міжнародны канфуз, які здарыўся на літоўска-беларускай мяжы каля месяца таму, выданню «Ганцавіцкі час» расказаў супрацоўнік еўрапейскай лагістычнай кампаніі Дзмітрый.
У Расію не хацелі пускаць фуру, якая перавозіла фалаімітатары, бо літоўцы падазравалі ў іх тавар падвоенага прызначэння. Дзмітрый выказаў меркаванне, што наўрад ці такое здарылася б, каб не вайна ва Украіне.
«Цяпер узмацніліся праверкі тавару падвойнага прызначэння. Тавар падвойнага прызначэння — гэта тавар, які можа быць выкарыстаны і ў мірных, і ў ваенных мэтах», — растлумачыў лагіст.
Як расказаў Дзмітрый, еўрапейскія мытнікі ва ўмовах санкцый часта патрабуюць дакумент, што тавар, які перавозіцца, не можа выкарыстоўвацца ў ваенных мэтах. Такія правілы.
«Ёсць для мытні такі спецыяльны код ТН ЗЭД. І неабавязкова там, у гэтым лічбавым кодзе зашыфравана, што перавозяцца фалаімітатары. Напісана будзе ў тым сэнсе, што гэта выраб з гумы або каўчук, іншае, — растлумачыў Дзмітрый. — А з такога матэрыялу могуць быць і тавары падвойнага прызначэння. Ну, умоўна кажучы, накладкі на танкавыя гусеніцы. Таму ў мытні і ўзнікаюць пытанні».
Праўда, пастаўшчык, які перавозіў фуру інтымнага грузу, аказаўся настойлівым. Фура ў выніку праехала праз літоўскую мытню, калі была атрыманая даведка, што фалаімітатары не могуць выкарыстоўвацца ў ваенных мэтах. І расіяне свой тавар атрымалі спраўна, хоць і крыху са спазненнем.
Цяпер чытаюць
Сілавікі расказалі, за што правялі хапун на тэнісным матчы7
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1313
Каментары
ам самім, відаць, патрэбна
- Ўладзімір Ільіч вам пасылка.
- Дзецям, усё дзецям.
- Але ж там прэетватывы.
- Раскалоць і аддаць меньшавікам!