Рэзнікаў распавёў пра бункер Мінабароны Украіны ў Гастомелі: палова міністэрства магла трапіць у палон у пачатку вайны
Міністр абароны Украіны Аляксей Рэзнікаў распавёў «УП», што, калі б ён у пачатку поўнамаштабнага ўварвання Расіі дзейнічаў па пратаколе бяспекі, то, магчыма, трапіў бы ў палон.
Па словах Рэзнікава, абаронены камандны пункт Мінабароны Украіны, куды міністр павінен быў ехаць са сваёй камандай, знаходзіўся ў Гастомелі, куды расіяне, як потым стала відавочна, накіравалі магутны ўдар, у тым ліку ў выглядзе масіраванай высадкі дэсанту.
«Абаронены камандны пункт, які быў замацаваны за маім персаналам, знаходзіўся, будзеце смяяцца, у Гастомелі, у абароненым месцы, якое першым жа патрапіла ў засаду. Тэарэтычна, калі б мы туды перамясціліся хаця б за дзень-два, то ў мяне палова міністэрства была б там, амаль у палоне», — сказаў ён.
Таму супрацоўнікі міністэрства, паводле рашэння Рэзнікава, «распыліліся» па розных будынках, якія належаць Міністэрству абароны.
Каментары
Никому не жаль коррупционера ворующего на крови украинцев. Как яйца за 17 гривен уже проел профит? Вся эта комарилья и ответственна за убаюкивание общества перед войной.