Дзяржаўная раёнка апублікавала здымак Качанавай без рэтушы. Гэта значна адрозніваецца ад таго, што мы прывыклі бачыць
Свежыя фотаздымкі Наталлі Качанавай на сайце газеты «Міёрскія навіны» заўважыла «Віцебская Вясна». Калі афіцыйныя каналы старанна рэтушуюць здымкі старшыні Савета Рэспублікі, то мёрская раённая газета не зрабіла гэтага.
На сайце мясцовага выдання Наталля Качанава павіншавала з 60-гадовым юбілеем калектыў мясакамбіната. Навіна была праілюстравана зусім не парадным фотаздымкам высокай кіраўніцы.
Публікацыя была зроблена месяц таму, але ніякіх наступстваў для рэдакцыі, відавочна, не мела.
Хаця чытачы прызвычаіліся бачыць Качанаву зусім іншай. І такі адрэтушаваны здымак таксама ёсць на «Міёрскіх навінах».
Магчыма, што глыбокая рэтуш Качанавай ад сталічных піяршчыкаў на афіцыйных рэсурсах — гэта іх уласная ініцыятыва.
Наталля Качанава нарадзілася 25 верасня 1960 у Полацку. Па нацыянальнасці руская. Скончыла Наваполацкі політэхнічны інстытут (1982) і Акадэмію кіравання (2006).
Працавала ў полацкім «Водаканале» (1982—1995), у жыллёвакамунальнай гаспадарцы Полацка (1995—2002).
У 2002—2007 — начальніца аддзела ЖКГ, намесніца старшыні Полацкага гарвыканкама па будаўніцтве і ЖКГ, у 2007—2014 — старшыня Наваполацкага гарвыканкама.
2014—2016 — намесніца прэм'ер-міністра Беларусі.
2016—2019 — кіраўніца Адміністрацыі прэзідэнта.
З 2019 — старшыня Савета Рэспублікі.
Замужам, мае дзвюх дачок.
Цяпер чытаюць
Вось якое хараство за 40 мільёнаў даляраў прадае сябар-трэнер Лукашэнкі1
Вось якое хараство за 40 мільёнаў даляраў прадае сябар-трэнер Лукашэнкі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2828
Каментары