Прапаганда заявіла, што сілавікі «ідэнтыфікавалі» 260 удзельнікаў акцый на Дзень Волі ў замежжы
З іх 98 чалавек сілавікі раней нідзе не заўважалі, паведаміў блізкі да сілавікоў тэлеграм-канал.
Святкаванне Дня Волі ў Вільні. Фота: «Радыё Свабода»
260 удзельнікаў распазналі на акцыях у Беластоку, Познані, Варшаве, Уроцлаве, Вільні, Берліне, Філадэльфіі, Чыкага, Альберце і Маямі.
Прапагандысты сцвярджаюць, што дадзеныя аб гэтых людзях накіраваныя для «прыняцця рашэнняў па крымінальных справах».
21 сакавіка Следчы камітэт пагражаў людзям, якія збіраліся ўдзельнічаць у святкаванні Дня Воля ў замежжы. Тады ведамства нагадвала пра вобшукі дамоў і арышты маёмасці ўдзельнікаў акцый, скіраваных супраць прэзідэнцкіх выбараў 26 студзеня.
Каментары