У Брэсце быў затрыманы журналіст Максім Хлябец. Цяпер ён на волі. Разам з тым сілавікі паведамляюць пра затрыманні і іншых людзей. Нагода — каментары і рэпосты, паведамляе брэсцкая «Вясна».
Блізкі да брэсцкіх сілавікоў тэлеграм-канал сёння апублікаваў пакаяннае відэа з удзелам чатырох чалавек.
На адным з іх — Максім Хлябец. На відэа мужчына кажа, што супрацоўнічаў з «Брэсцкай газетай», у 2020 годзе пісаў пра выбары. А затрыманы, паводле відэа, за рэпост «экстрэмісцкіх матэрыялаў». Пазней высветлілася, што Хлябец на волі.
Як стала вядома праваабаронцам, праўладныя тэлеграм-каналы апублікавалі сёння старое «пакаяльнае відэа» журналіста.
Таксама ў відэа паказваюцца тры жыхары Брэста і вобласці. Адзін кажа, што затрыманы за інтэрнэт-каментар пра Лукашэнку, другі — за каментар пра Лукашэнку і беларускіх вайскоўцаў. Трэці кажа, што распаўсюдзіў «экстрэмісцкія матэрыялы».
Як высветліла брэсцкая «Вясна», адзін з затрыманых — Уладзімір Каляда з вёскі Альшаны Столінскага раёна, які быў затрыманы яшчэ ў сярэдзіне сакавіка. 24 сакавіка адбыўся суд за тое, што ў «Аднакласніках» паставіў «клас» публікацыі ад «Афіцыйная старонка Хартыя 97%». Суддзя Насеня вынес рашэнне: штраф памерам 740 рублёў з канфіскацыяй тэлефона.
Цяпер чытаюць
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»26
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2020
Каментары