МЗС Украіны асудзіла ўдзел замежных лідараў у Парадзе ў Маскве. Усіх, акрамя Лукашэнкі
Знешнепалітычнае ведамства Украіны выступіла з асуджэннем удзелу кіраўнікоў Арменіі, Казахстана, Кыргызстана, Таджыкістана, Туркменістана і Узбекістана ва ўрачыстых мерапрыемствах 9 мая ў Маскве. У заяве нічога не сказана пра Аляксандра Лукашэнку, які таксама быў разам з імі.
У заяве нагадалі пра тое, што ў ноч на 9 мая Расія выпусціла 25 ракет па Украіне і 15 — па Кіеве.
«Разглядаем удзел лідараў названых замежных дзяржаў у публічным мерапрыемстве нараўне з ваенным злачынцам, які выхваляецца развязваннем вайны ў Еўропе ў маштабах, якія не ведалі з часоў Другой сусветнай вайны, як амаральны і недружалюбны крок у дачыненні да Украіны, праяву пагарды да ўкраінскага народа, які змагаецца за сваё выжыванне і свабоду», — гаворыцца ў заяве.
Таксама МЗС Украіны заявіла, што народы Цэнтральнай Азіі і Каўказа не заслугоўваюць лёсу быць выкарыстанымі Крамлём для ўдзелу ў фальшывым дзействе, якое не мае нічога агульнага з подзвігам пераможцаў над нацызмам.
Адзначым, што ў заяве нічога не гаворыцца пра ўдзел Аляксандра Лукашэнкі ў парадзе на Краснай плошчы.
Цяпер чытаюць
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода18
Мінімум 314 беларусаў загінулі ва Украіне, ваюючы за Расію. Сталі вядомыя імёны. Ад вярбоўкі да смерці праходзіць у сярэднім паўгода
«Пераапрануўся ў амапаўца і дырыжыраваў чорнай дубінкай». Адзін з заснавальнікаў «Вольнага хору» — пра акцыі ў гандлёвых цэнтрах у 2020‑м і працу ў філармоніі ў Літве55
Каментары
Это, как осуждать губернатора Новгородской области России, который приехал в Москву на парад.
Проще и выгоднее не замечать и не осуждать.