Нерухомасць1212

Каля МКАД пабудуюць новы раён на 105 тысяч жыхароў. Гэта як Наваполацк

У Мінгарвыканкаме вырашылі вярнуцца да ідэі забудовы новага квартала «Зялёны Бор» за МКАД. Сёння з'явілася інфармацыя аб грамадскім абмеркаванні новага дэталёвага плана на гэтую тэрыторыю. Па плане пад Мінскам можа вырасці цэлы горад — з вялікай колькасцю шматпавярховікаў, дзіцячымі садамі, школамі, паліклінікамі і кінатэатрам, піша realt.by.

Пляцоўка пад жылы раён «Зялёны Бор» знаходзіцца за кальцавой дарогай, каля Калодзішчаў. Пад новае жыллёвае будаўніцтва пойдуць землі былога вайсковага палігона. 

Гэтую тэрыторыю ўжо даўно ўключылі ў склад Партызанскага раёна — так што будучыя жыхары будуць мінчанамі.

Арганізатарам грамадскага абмеркавання выступае адміністрацыя Партызанскага раёна Мінска, заказчыкам — камітэт архітэктуры і горадабудаўніцтва Мінгарвыканкама, распрацоўшчыкам — УП «Мінскграда».

Новы горадабудаўнічы праект тычыцца тэрыторыі ў 1916 гектараў. Участак мяжуе з сядзібнай забудовай у Калодзішчах, «Зялёнай Гаванню», а таксама — ляснымі масівамі.

Значную частку зямель былога палігона цяпер займаюць дрэвы і хмызнякі, таксама тут ёсць склады і гаспадарчыя пабудовы (яны будуць рэканструяваныя і захаваны). Пакуль што ў раёне няма ніякіх магістраляў, а таксама інжынернай інфраструктуры. Найбліжэйшыя дарогі — МКАД і праспект Незалежнасці.

На новых сталічных землях плануецца арганізацыя 11 раёнаў, аб'яднаных агульнай ландшафтна-рэкрэацыйнай зонай. У прэзентацыі гаворыцца, што «Зялёны Бор» стане новай брамай у Мінск з боку Нацыянальнага аэрапорта.

У перспектыве тут змогуць пражываць 105 тысяч чалавек (104 тысячы — у шматкватэрных дамах, 1 тысяча — у сядзібным фондзе). Жылыя дамы абяцаюць будаваць па індывідуальных праектах.

З інфраструктуры ў «Зялёным Бары» намечанае будаўніцтва школы, адразу 4 дзіцячых садкоў і 5 паліклінік, бальніцы, а таксама кінатэатра, бібліятэкі і іншых аб'ектаў.

Праект разбіты на 2 этапы. На першым этапе да 2030 года павінны быць асвоеныя планіровачныя раёны бліжэй да Калодзішчаў і Мінска. Жыллёвы фонд на першым этапе складзе 952 тысячы «квадратаў», а насельніцтва — 36,5 тысячы чалавек.

Другі этап прадугледжвае развіццё тэрыторыі пасля 2030 года. На гэтым этапе павінны быць дабудаваныя ўсе 11 планіровачных раёнаў і інфраструктура. Насельніцтва тады можа павялічыцца да 105 тысяч чалавек.

Грамадскае абмеркаванне будзе праходзіць з 22 мая па 5 чэрвеня. 

Прэзентацыя праекта прадстаўленая ў электронным выглядзе на сайце УП «Мінскграда» і на афіцыйным сайце адміністрацыі Партызанскага раёна. Экспазіцыя праекта таксама будзе выстаўленая ў фае будынка адміністрацыі Партызанскага раёна.

Каментары12

  • efv
    16.05.2023
    очередное ГЕТТА
  • Бомж
    16.05.2023
    Для кого? Для русских что-ли? Или чтобы за хорошую службу раздавать людям у пагонах
  • Ура
    16.05.2023
    Патамушта как в Расіі далжно быть! Вся жызнь в сталіце, а эці регіоны, каму ані нужны. 

Цяпер чытаюць

Атака Ізраіля па Іране: усё, што вядома на гэты момант5

Атака Ізраіля па Іране: усё, што вядома на гэты момант

Усе навіны →
Усе навіны

«Кожны хоча быць Каліноўскім, але…» У Варшаве паказалі «Інсургентаў» паводле п'есы Зянона Пазняка

Памёр аршанец Андрэй Корпс — наркаман, які спрабаваў ратаваць ад наркотыкаў іншых6

«Паўэрбанк зарадзіў, кофту папраў». Хлопец скраў чужыя рэчы, а пасля спалохаўся і вярнуў іх назад5

Галыгіна прымусілі апраўдвацца за зварот да сілавікоў у 2020-м24

У Мінску тром людзям прысудзілі ад 2 да 5 гадоў за салідарнасць з палітвязнямі3

Найбуйнейшы ў Беларусі пелетны завод спыняў працу праз санкцыі. Цяпер «арыентуецца на ўнутраны рынак»2

Рубіа павіншаваў расіян з Днём Расіі. Украіна: «Гэта ненармальна»10

Чупрыс пахвалілася, што Лукашэнка задавальняе 50% прашэнняў аб памілаванні. Але што насамрэч значыць гэта статыстыка?3

Падчас катастрофы самалёта ў Індыі маглі загінуць больш за 310 чалавек

больш чытаных навін
больш лайканых навін

Атака Ізраіля па Іране: усё, што вядома на гэты момант5

Атака Ізраіля па Іране: усё, што вядома на гэты момант

Галоўнае
Усе навіны →

Заўвага:

 

 

 

 

Закрыць Паведаміць