У Мінску зачынілася легендарная крама. Яна працавала каля паўстагоддзя і там унутры быў басейн
Крама «Кветкі» каля Батанічнага саду зачынілася, напісаў блогер Koko.by. На акне вісіць аб'ява аб тым, што памяшканне на праспекце Незалежнасці, 80 здаецца ў арэнду.
Крама «Кветкі» ў «доме з чайкай» каля Батанічнага саду працавала больш за паўстагоддзя, піша Realt.by.
— На першым паверсе дома размясцілася знакамітая крама «Кветкі», якія вырошчваліся ў тым ліку і ў аранжарэях Батанічнага саду, — расказваў пра гэтую краму гісторык Антон Дзянісаў.
А вось што ўспамінала жыхарка дома Валянціна пра кветкавую і іншыя крамы побач з домам:
— Раней на месцы сушы-рэстарана была кулінарыя, далей размяшчалася крама «Сілуэт», дзе прадавалі паліто, але па блаце можна было дастаць, што хочаш. Там, дзе цяпер піцэрыя, знаходзіўся кафэтэрый і булачная. За ім абутковая крама з італьянскім абуткам. З тых крам засталіся толькі «Прырода» і наша кветкавая. У горадзе на той момант было ўсяго дзевяць кветкавых крам. Мама нават нейкі час працавала ў нашай. Там было так прыгожа, што не перадаць. Сапраўдны музей кветак.
Пасярод крамы стаяў велізарны басейн, у якім плавалі чырвона-залатыя рыбкі.
Але памятаю, прасілі ў мамы грошы, каб пайсці і пакарміць рыбак у «Прыродзе», — расказвала жанчына.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім3
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары