Дошкі вырвалі, накідалі смецця, крыжа няма. Драўляная капліца на могілках у Крычаве зноў пад пагрозай
У кастрычніку мінулага года выданне «Магілёў.media» напісала пра старую драўляную каплічку на праваслаўных могілках у Крычаве, якую ператварылі ў сметніцу. Як ні дзіўна, гэту публікацыю ў незалежным друку заўважылі мясцовыя ўлады і паспрабавалі выправіць сітуацыю. Унутры будынка прыбралі смецце, а ўваход у яго камунальныя службы забілі драўлянымі дошкамі. Але цяпер усё вяртаецца да ранейшага стану.
Прайшло толькі паўгода, але праблема зноў актуалізавалася, піша тое ж выданне «Магілёў.Media». Частка драўляных дошак, якімі забілі ўваход у каплічку, ужо выламаная, а ўсярэдзіну культавага збудавання зноў пачалі закідаць смецце.
На цяперашні момант усярэдзіне капліцы валяецца надмагільны мармуровы помнік і спілаваныя дзве бярозавыя калодкі. Пасля, як мяркуе выданне, смецця будзе яшчэ больш, бо ўвайсці ў драўлянае стогадовае збудаванне зноў можна лёгка, як і насмеціць там.
З’явілася і яшчэ адна праблема. На самым версе чатырохскатнага даха капліцы да нядаўняга часу знаходзіўся невялікі драўляны крыж, які сведчыў пра культавае значэнне збудавання. Сёння ж на версе капліцы крыжа няма, ён згубіў сваю гарызантальную перакладзіну і цяпер выглядае простай вертыкальнай палкай наверсе драўлянага помніка.
Цяпер чытаюць
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай5
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1515
Каментары
у праваслаўных можа і мае нейкую асаблівую каштоўнасцьць
дык хай самі і клапоцяцца