Прэзідэнт у Латвіі, як і ў Эстоніі, абіраецца парламентам.
У Сейме Латвіі 31 мая пачалі абіраць новага прэзідэнта краіны, які стане пераемнікам дзейнага кіраўніка дзяржавы Эгілса Левітса. Левітс адмовіўся балатавацца на другі тэрмін, піша Delfi.
Першы раўнд галасавання прайшоў раніцай. Палітычныя партыі намінавалі на прэзідэнцкую пасаду трох кандыдатаў: дзейнага міністра замежных спраў Эдгара Рынкевіча ад «Новага адзінства», Улдыса Піленса, якога падтрымлівае кааліцыйная партыя «Аб'яднаны спіс», і Эліну Пінта, якую вылучылі сацыял-дэмакраты.
Пасля першага раўнда нікога не абралі.
Галасаванне можа праходзіць у адзін або некалькі раўндаў.
Падчас другога галасавання прэзідэнт таксама не абраны.
За Піленса прагаласавалі 25 дэпутатаў, супраць былі 62.
За Рынкевіча — 42 галасы «за», супраць 45.
За Пінту — 10 «за», 77 супраць.
Эліна Пінта выбывае з прэзідэнцкай гонкі, у трэцяе галасаванне праходзяць Эдгар Рынкевіч і Улдыс Піленс.
***
Новага кіраўніка дзяржавы могуць абраць з першай спробы, калі за яго прагаласуе большасць — ад 51 дэпутатаў са 100. У Сейме прысутнічае 87 са 100 дэпутатаў, прычым 10 з іх адмовіліся браць удзел у галасаванні. Гэта дэпутаты ад папулісцкай партыі еўраскептыкаў «Стабільнасць» Аляксея Рослікава.
Раўнды галасавання з тымі ж або іншымі кандыдатамі праводзяць датуль, пакуль прэзідэнта не абяруць.
Рэкордна зацяжныя выбары былі падчас 2-га і 3-га скліканняў латвійскага Сейма, яшчэ перад савецкай акупацыяй часоў Другой сусветнай. Густаў Земгалс і Альбертс Кесіс былі абраныя пасля 10 раўндаў галасавання.
За прэзідэнта Эдгара Левітса ў 2019 годзе прагаласаваў 61 дэпутат.
Прэзідэнт абіраецца ў Латвіі на чатыры гады. Там прэм'ер мае большую вагу.
Пакалечаная ў Дубаі ўкраінская мадэль сцвярджае, што адным з яе катаў быў 28-гадовы беларускі тэмшчык. Вось што пра яго вядома15
Каментары