У Крамлі заявілі, што навокал становіцца ўсё больш разваг аб мірным працэсе, аднак мэты Расіі пры гэтым не прымаюцца да ўвагі.
Перадумоў для дыялогу па Украіне няма, хоць вакол усё больш разваг пра мірны працэс — пакуль абстрактных, пра гэта заявіў прэс-сакратар прэзідэнта Расіі Дзмітрый Пяскоў, піша «Спутнік».
«Наконт дыялогу мы неаднаразова казалі, цяпер такога варыянту няма. Ён не праглядаецца, і ніякіх перадумоў няма», — сказаў Пяскоў, каментуючы сітуацыю вакол Украіны.
Аднак ён адзначыў, што навокал — як сярод экспертаў, так і сярод прадстаўнікоў еўрапейскіх краін — становіцца ўсё больш і больш абмеркаванняў «пакуль абстрактных, але разваг ўсё ж такі ўжо пра нейкі мірны працэс».
«Праўда, у гэтых развагах не гучыць нейкая палітычная воля да таго, каб браць пад увагу мэты і заклапочанасці нашай краіны. Для нас гэта галоўны прыярытэт», — патлумачыў Пяскоў.
Раней у Крамлі паведамлялі, што ў Маскве выступаюць супраць замарозкі ўкраінскага канфлікту і разглядаюць магчымасць толькі завяршэння «спецыяльнай ваеннай аперацыі» [так у Расіі называюць поўнамаштабнае ўварванне ва Украіну — НН] для «забеспячэння сваіх інтарэсаў і дасягнення пастаўленых перад Расіяй мэтаў».
Як растлумачыў тады прэс-сакратар прэзідэнта Расіі, усе гэтыя мэты могуць быць дасягнутыя «з дапамогай СВА [вайны — НН] ці іншымі даступнымі сродкамі».
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове11
Каментары