U Kramli zajavili, što navokał stanovicca ŭsio bolš razvah ab mirnym pracesie, adnak mety Rasii pry hetym nie prymajucca da ŭvahi.
Pieradumoŭ dla dyjałohu pa Ukrainie niama, choć vakoł usio bolš razvah pra mirny praces — pakul abstraktnych, pra heta zajaviŭ pres-sakratar prezidenta Rasii Dźmitryj Piaskoŭ, piša «Sputnik».
«Nakont dyjałohu my nieadnarazova kazali, ciapier takoha varyjantu niama. Jon nie prahladajecca, i nijakich pieradumoŭ niama», — skazaŭ Piaskoŭ, kamientujučy situacyju vakoł Ukrainy.
Adnak jon adznačyŭ, što navokał — jak siarod ekśpiertaŭ, tak i siarod pradstaŭnikoŭ jeŭrapiejskich krain — stanovicca ŭsio bolš i bolš abmierkavańniaŭ «pakul abstraktnych, ale razvah ŭsio ž taki ŭžo pra niejki mirny praces».
«Praŭda, u hetych razvahach nie hučyć niejkaja palityčnaja vola da taho, kab brać pad uvahu mety i zakłapočanaści našaj krainy. Dla nas heta hałoŭny pryjarytet», — patłumačyŭ Piaskoŭ.
Raniej u Kramli paviedamlali, što ŭ Maskvie vystupajuć suprać zamarozki ŭkrainskaha kanfliktu i razhladajuć mahčymaść tolki zaviaršeńnia «śpiecyjalnaj vajennaj apieracyi» [tak u Rasii nazyvajuć poŭnamaštabnaje ŭvarvańnie va Ukrainu — NN] dla «zabieśpiačeńnia svaich intaresaŭ i dasiahnieńnia pastaŭlenych pierad Rasijaj metaŭ».
Jak rastłumačyŭ tady pres-sakratar prezidenta Rasii, usie hetyja mety mohuć być dasiahnutyja «z dapamohaj SVA [vajny — NN] ci inšymi dastupnymi srodkami».
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary