У Канадзе ў лесе ноччу знялі на камеру два жудасныя напаўголыя сілуэты, якія харчаваліся трупам аленя
Адна з канадскіх мясцовых жыхарак выявіла непадалёк ад свайго дома труп аленя і вырашыла побач з ім паставіць камеру, каб даведацца аб магчымай наяўнасці драпежнікаў у акрузе. Аднак па сканчэнні ночы жанчына пабачыла здымкі і жахнулася.
Жыхарка Канады Карынеа Стоўнхоўп падчас прагулкі на сваім кані каля свайго дома ўбачыла свежы труп аленя і вырашыла паставіць побач з ім камеру, каб паназіраць за магчымымі драпежнікамі, якія маглі б прыйсці па яго. Праз адну ноч Карынеа ўбачыла на здымках камеры дзвюх напаўголых жанчын, якія наўпрост харчаваліся трупам аленя.
Пра гэтую гісторыю расказала выданне Daily Mail са спасылкай на мясцовыя канадскія медыя.
Па словах Карынеі, ноччу да трупа аленя падышлі дзве напаўголыя і жудасныя на выгляд жанчыны, якія пачалі вырываць сырое мяса з трупа аленя і есці яго. У жанчын былі брудныя чорныя валасы і доўгія пальцы, а ў адной з іх кавалачак тканіны ледзь прыкрываў ягадзіцы.
«Яны прыйшлі праз 10 хвілін пасля заходу сонца і, здаецца, пачалі есці труп аленя. Такое кожны дзень не ўбачыш, гэта вельмі моцна мяне напалохала. Тым больш, што гэта адбывалася ў дзвюх хвілінах ад майго дома. У мяне ёсць тры кані, і яны звычайна моцна нерваваліся ў гэтым месцы, і цяпер я разумею чаму», — падзялілася Карынеа Стоўнхоўп.
Інтэрнэт-карыстальнікі адрэагавалі на жудасныя кадры па-рознаму. Некаторыя, напрыклад, убачылі на гэтых жанчынах парыкі і выказалі здагадку, што ўсё гэта фэйк ці падстаноўка, бо нехта мог убачыць камеру і вырашыць пазабаўляцца перад ёй ноччу.
«Другая частка карыстальнікаў, наадварот, успрыняла гэтую інфармацыю сур'ёзна і палічыла, што на кадрах маглі быць нейкія вядзьмаркі з мясцовага культу, пра які сталі часта хадзіць чуткі ў гэтай частцы Канады і паслядоўнікі якога выконваюць пэўныя рытуалы з трупамі розных жывёл. Апроч гэтай версіі, на думку людзей, на здымках мог быць хто заўгодна, у тым ліку злыя духі, звычайныя монстры, дэманы, псіхапаты ці нават вендыга», — прыводзіць цытаты карыстальнікаў выданне Daily Mail.
Цікава, што мясцовая паліцыя ў гэтым выпадку нічога зрабіць не можа, бо па законе тыя асобы на камеры не зрабілі нічога супрацьзаконнага.
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»19
Каментары