U Kanadzie ŭ lesie nočču źniali na kamieru dva žudasnyja napaŭhołyja siłuety, jakija charčavalisia trupam alenia
Adna z kanadskich miascovych žycharak vyjaviła niepadalok ad svajho doma trup alenia i vyrašyła pobač ź im pastavić kamieru, kab daviedacca ab mahčymaj najaŭnaści drapiežnikaŭ u akruzie. Adnak pa skančeńni nočy žančyna pabačyła zdymki i žachnułasia.
Žycharka Kanady Karyniea Stoŭnchoŭp padčas prahułki na svaim kani kala svajho doma ŭbačyła śviežy trup alenia i vyrašyła pastavić pobač ź im kamieru, kab panazirać za mahčymymi drapiežnikami, jakija mahli b pryjści pa jaho. Praz adnu noč Karyniea ŭbačyła na zdymkach kamiery dźviuch napaŭhołych žančyn, jakija naŭprost charčavalisia trupam alenia.
Pra hetuju historyju raskazała vydańnie Daily Mail sa spasyłkaj na miascovyja kanadskija miedyja.
Pa słovach Karyniei, nočču da trupa alenia padyšli dźvie napaŭhołyja i žudasnyja na vyhlad žančyny, jakija pačali vyryvać syroje miasa z trupa alenia i jeści jaho. U žančyn byli brudnyja čornyja vałasy i doŭhija palcy, a ŭ adnoj ź ich kavałačak tkaniny ledź prykryvaŭ jahadzicy.
«Jany pryjšli praz 10 chvilin paśla zachodu sonca i, zdajecca, pačali jeści trup alenia. Takoje kožny dzień nie ŭbačyš, heta vielmi mocna mianie napałochała. Tym bolš, što heta adbyvałasia ŭ dźviuch chvilinach ad majho doma. U mianie jość try kani, i jany zvyčajna mocna niervavalisia ŭ hetym miescy, i ciapier ja razumieju čamu», — padzialiłasia Karyniea Stoŭnchoŭp.
Internet-karystalniki adreahavali na žudasnyja kadry pa-roznamu. Niekatoryja, naprykład, ubačyli na hetych žančynach paryki i vykazali zdahadku, što ŭsio heta fejk ci padstanoŭka, bo niechta moh ubačyć kamieru i vyrašyć pazabaŭlacca pierad joj nočču.
«Druhaja častka karystalnikaŭ, naadvarot, uspryniała hetuju infarmacyju surjozna i paličyła, što na kadrach mahli być niejkija viadźmarki ź miascovaha kultu, pra jaki stali časta chadzić čutki ŭ hetaj častcy Kanady i paśladoŭniki jakoha vykonvajuć peŭnyja rytuały z trupami roznych žyvioł. Aproč hetaj viersii, na dumku ludziej, na zdymkach moh być chto zaŭhodna, u tym liku złyja duchi, zvyčajnyja monstry, demany, psichapaty ci navat viendyha», — pryvodzić cytaty karystalnikaŭ vydańnie Daily Mail.
Cikava, što miascovaja palicyja ŭ hetym vypadku ničoha zrabić nie moža, bo pa zakonie tyja asoby na kamiery nie zrabili ničoha supraćzakonnaha.
Ciapier čytajuć
Kobrynca, jaki zastaŭsia biez nahi paśla vybuchu mašyny, pasadzili za kantakt z žurnalistami. Paśla vyzvaleńnia jon raskazaŭ svaju historyju1
Kobrynca, jaki zastaŭsia biez nahi paśla vybuchu mašyny, pasadzili za kantakt z žurnalistami. Paśla vyzvaleńnia jon raskazaŭ svaju historyju
Nivodnaha minskaha, homielskaha, italjanskaha ci francuzskaha. Zatoje ŭ Mahilovie budujuć užo čaćviorty rasijski dvoryk, hetym razam — ź miadźviedziem1212
Kamientary