«Любымі даступнымі сродкамі забяспечыць ліквідацыю рэжыму Лукашэнкі». Латушка зрабіў заяву з нагоды размяшчэння ў Беларусі ядзернай зброі
Намеснік старшыні Аб'яднанага пераходнага кабінета Беларусі, кіраўнік Нацыянальнага антыкрызіснага ўпраўлення Павел Латушка зрабіў заяву адносна рэалізацыі намераў Расіі размясціць у Беларусі арсенал тактычнай ядзернай зброі.
Латушка падкрэслівае, што рашэнне аб размяшчэнні ядзернай зброі на тэрыторыі Рэспублікі Беларусь рэалізавана ў адпаведнасці з абноўленай ваеннай дактрынай так званай Саюзнай дзяржавы Расіі і Беларусі, прынятай 4 лістапада 2021 года. Гэта мера разглядаецца Расійскай Федэрацыяй як неабходная для вырашэння наступных задач:
1. стварэнне прамой ядзернай пагрозы ў першую чаргу для Украіны, Польшчы і Літвы з тэрыторыі Беларусі;
2. падрыхтоўка да ўжывання ядзернай зброі супраць Украіны;
3. завяршэнне працэсу інтэграцыі Беларусі ў Саюзную дзяржаву і забеспячэнне поўнага кантролю Расіі над Беларуссю.
У сувязі з гэтым Латушка лічыць для краін Захаду крытычна важным:
1. Прыняць самыя жорсткія санкцыйныя меры, якія ўключаюць гандлёвае эмбарга ў дачыненні да рэжыму.
2. Любымі даступнымі сродкамі забяспечыць ліквідацыю рэжыму Лукашэнкі, поўны вывад расійскіх войскаў з тэрыторыі Беларусі, выхад Беларусі з Саюзнай дзяржавы, АДКБ, СНД і іншых расійскіх інтэграцыйных праектаў, а таксама даць адпаведныя гарантыі захавання незалежнасці і суверэнітэту Рэспублікі Беларусь.
3. Аказаць беларускім дэмсілам, Аб'яднанаму пераходнаму кабінету і добраахвотніцкім падраздзяленням ва Украіне ўсю неабходную падтрымку для змены сітуацыі ў Беларусі, забеспячэння яе вызвалення ад рэжыму Лукашэнкі і абароны ад расійскіх захопнікаў ды наступнага правядзення дэмакратычных перамен.
16 чэрвеня прэзідэнт Расіі Уладзімір Пуцін паведаміў пра дастаўку ў Беларусь першых ядзерных зарадаў, заявіўшы пра мэту перанесці на нашу тэрыторыю частку расійскага тактычнага ядзернага арсенала да канца 2023 года.
Цяпер чытаюць
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове22
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове2
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Каментары