На будаўніцтва IT-кампуса ў Вільні выдаткуюць €100 млн. Ён павінен адкрыцца ў 2024 годзе і стаць «літоўскай Крамянёвай далінай».
З беларускім Паркам высокіх тэхналогій гэты праект радніць тэматыка, але ў астатнім ён вельмі моцна адрозніваецца. Па-першае, гэта не дзяржаўныя, а прыватныя інвестыцыі. Па-другое, вялікая стаўка тут робіцца на стартапы, як піша Office Life.
Як паведамляецца, IT-кампус плошчай 55 тысяч квадратных метраў з'явіцца на месцы старой швейнай фабрыкі ў раёне Наўямесціс.
Гэта на 20 тысяч «квадратаў» больш, чым у парыжскага «канкурэнта» — кампуса стартапаў Station F.
Згодна з праектам, тут размесцяцца офісы прыкладна на 5 тысяч супрацоўнікаў, а таксама ўся сацыяльная інфраструктура, у тым ліку арэнднае жыллё, аддзяленні банкаў, бары, рэстараны, салоны прыгажосці.
Працаваць IT-кампус будзе кругласутачна. Для старту праекта ўжо выдзелена €30 млн.
Аўтары праекта лічаць, што ім удасца прыцягнуць у тым ліку беларускіх айцішнікаў, якія рэлакавалі свой бізнэс у Еўропу.
Напрыклад, у Польшчы толькі за I квартал 2023 года колькасць IT-кампаній з беларускім капіталам вырасла на 10% і склала 328 бізнэсаў.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары