У Берліне мяркуюць, што Прыгожын спыніў мяцеж з-за недахопу падтрымкі ва ўладзе
Ва ўрадзе Германіі мяркуюць, што кіраўнік ПВК «Вагнер» Яўген Прыгожын спыніў паход на Маскву, бо спадзяваўся на большую падтрымку свайго бунту ў Расіі. Пра гэта стала вядома нямецкаму выданню Der Spiegel, як паведамляе «Еўрапейская праўда».
Паводле інфармацыі выдання, у суботу вечарам Федэральнае міністэрства замежных спраў і Міністэрства абароны Германіі праінфармавалі старшынь камітэтаў Бундэстага па замежных справах і абароне аб бягучым развіцці падзей.
Падчас вуснага брыфінгу палітычны дырэктар Федэральнага міністэрства замежных спраў Тэрвен Белман і парламенцкі дзяржсакратар па абароне Зімтэ Мёлер выказалі думку, што лідар «Вагнера» Прыгожын не атрымаў ад расійскіх дзяржаўных сіл той падтрымкі, на якую ён разлічваў падчас спробы перавароту, таму спыніў свой паход на Маскву.
Інфармацыю аб змесце пагаднення паміж Крамлём і Прыгожыным, а таксама аб месцы знаходжання Пуціна, міністра абароны Шайгу і начальніка Генеральнага штаба Герасімава прадстаўнікі ўрада падчас тэлефоннай размовы даць не змаглі.
Паводле інфармацыі выдання, камітэты па замежных справах і абароне павінны сабрацца на спецыяльнае пасяджэнне на пачатку тыдня і абмеркаваць гэтую тэму.
Нагадаем, міністр замежных спраў Германіі Аналена Бербак адклала свой запланаваны візіт у ПАР на адзін дзень на фоне расійскага мяцяжу. У суботу Бербак правяла кансультацыі са сваімі калегамі ў фармаце G7, а міністр абароны Германіі Борыс Пісторыус абмяняўся меркаваннямі з міністрам абароны ЗША Лойдам Осцінам.
Чытайце таксама:
Стала вядома, колькі вагнераўскай тэхнікі рухалася на Маскву
«Фенаменальны выбар Прыгожына…» Падаляк — пра мяцеж кіраўніка ПВК «Вагнер» і карысць ад яго
Крымінальная справа ў дачыненні да Прыгожына будзе спыненая, ён «выедзе ў Беларусь» — Пяскоў
Цяпер чытаюць
Ціханоўская едзе ў Нью-Ёрк. Яна можа перасекчыся з прадстаўнікамі Лукашэнкі, але галоўную інтрыгу пакуль не раскрываюць25
Каментары